Bertsoak - Fitxa ikusi Atal honi buruz gehiago jakiteko
2018-08-09 Gasteiz Jaialdia [Bertsoa] / Peru Abarrategi, Julio Soto
| Bertsoa entzun |
2018-08-09 Gasteiz Jaialdia [Bertsoa] / Peru Abarrategi, Julio Soto
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
J. Soto
Ganbarara igo naiz
hona ta kauenla!
Hara bazter batean
ilun zegoela
ikusi eta hartu dut
sorpresa itzela
uste nun xagun batek
jango zintuela. (bis)
P. Abarrategi
Ni ganbaran nengoen
zeharo ahaztuta
oso zikina eta
ja hautsak hartuta
jabearen bisita
ez zait ba arrunta.
Ja ez zara irtetzen
zaude zahartuta. (bis)
J. Soto
Zahartu zait bekokia
moteldu pultsua
baina zu ikusita ze
nostalgi putzua!
Zu soinean jarrita
balantzan pausua
halaxe eman nun nere
lehenengo muxua. (bis)
P. Abarrategi
Ba orain bakarrik zaude
ta diotsut zera:
goazen Gasteizko jaiak
aprobetxatzera.
Abuztuak bederatzi
da azken aukera
jantzi nazazu eta
goazen kalera. (bis)
J. Soto
Zuri zor dizudanez
hainbeste maitasun
eta kalea denez
ja aberastasun
bale jantziko zaitut
nola esan didazun
nahiz kolorea pixka’t
ajatuta duzun. (bis)
P. Abarrategi
Ez duzu adorerik
berria erosteko
nola blusa batekin
zu zauden konpleto
kalimotxotan busti
ta dena ederto
hurrengoan Julio
zuk zaindu hobeto. (bis)
J. Soto
Jantziko nula esan
dizut nik xuabe
kargua hartu didazu
egin zara jabe
zikindu zintudala
ta ixilik zaude
blusa bat ez da blusa
zikinkeri gabe. (bis)
P. Abarrategi
Baina zikin joatea
ez da ederra aizu.
Kalimotxo usainak
niri enbarazu
tori aholkutxo bat
egidazu kasu:
kolonia pixka’t behintzat
botako al didazu? (bis)
J. Soto
A ze exijentziak
ze blusa tipoa!
Lehenik ez zikintzeko
ja zula nahikoa.
Bertan utziko zaitut
Beti-betikoa
zuk segi beti bezain
maniatikoa. (bis)
P. Abarrategi
Nik ere izan nahi dut
jai hauexen parte
beraz ateratzeko
hartu zazu tarte
juerga batek ez dizu
egingo ta kalte
bi buelta labadoran
ta hurrengo urtera arte. (bis)
Datu-base honetan eskainitako informazioari buruz jakiteko, kontsultatu lege oharra