Bertsoak - Fitxa ikusi Atal honi buruz gehiago jakiteko
2018-09-07 Zarautz Sariketa [Bertsoa] / Aratz Igartzabal Bidegain "Potto", Aitor Salegi
| Bertsoa entzun |
2018-09-07 Zarautz Sariketa [Bertsoa] / Aratz Igartzabal Bidegain "Potto", Aitor Salegi
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
A. Salegi
Oraindik gazte izaki
herabe eta lotsati
karrera egin eta ametsak
ez nitun eraiki
guztia ez da aitzaki
kasuak hautatuz poliki
kasu haundien aurrean sarri
sentitzen naiz txiki. (bis)
A. Igartzabal
Mundua ez da librea
ez zurea ez nirea
bezero orok ez ote dauka
ba eskubidea
baztertu zazu idea
egin dezagun bidea
ehuneko ehunen bete dezagun
gure lanbidea. (bis)
A. Salegi
Eguneroko helburu
ezintasun eta gudu
hain ezberdinak izanagatik
biok buruz buru
zuzendu nahi zaitut mundu
miseriak muga non du?
Ziurtasunik izan ezean
hobe ez lagundu. (bis)
A. Igartzabal
Zabiltza pauso geldoan
ta ez zaigu irtengo doan
trajea jantzi ta ofizina
egunero joan
puntuak eman autoan
inor ez utzi kanpoan
Auzitegia isildu dadin
gu sartutakoan. (bis)
A. Salegi
Betea arau ta legez
zuzentzeko ze interes!
Bai baina joan eta moldatu
ninteke aldrebes.
Nahiz ta laguntzen ari berez
utzi pakean mesedez!
Ta nik ez dizut zuri esango
zer hartu ta zer ez. (bis)
A. Igartzabal
Kasuak daude nahikoak
ta eman pauso tinkoak
guk`e babestu behar ditugu
barru ta kanpoak
askotan politikoak
presoak ta ijitoak
kartzela ez dezan beti probatu
beti-betikoak. (bis)
Datu-base honetan eskainitako informazioari buruz jakiteko, kontsultatu lege oharra