Bertsoak - Fitxa ikusi Atal honi buruz gehiago jakiteko
Muthil-zaharra [Bertsoa] / Jean Baptiste Larralde "Dr. Larralde"
Muthil-zaharra [Bertsoa] / Jean Baptiste Larralde "Dr. Larralde"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I.
Bakharrik bizitzeaz unhatua franko
Xede zerbait banuen lagun bat hartzeko
Bainan orai andreak zenbat ez du behar!
Ez, ez, nahiago dut egon muthil-zahar.
II.
Herrunka guzietan estatua gaindi,
Egun oroz baitugu mila moda berri,
Hoinbertze gasturekin, nola menaian sar?
Ez, ez, nahiago dut egon muthil-zahar.
III.
Grisetek utzi dute mokanes pullita,
Ustez hobeki dohan lore-dun boneta,
Zer! boneta buruan neskatxa bat nik har!
Ez, ez, nahiago dut egon muthil-zahar.
IV.
Sederian sarthuak, printzesak iduri,
Fu! egiten diote soin telapintari,
Horrela uste dute zenbait xoro lokhar,
Ni ez-bainaiz logale, nago muthil-zahar.
V.
Handiek badakite musikan kantatzen,
Bainan badakitea botoin baten lotzen?
Dendari jornaletan zenbat urre, zilhar!
Ez, ez, nahiago dut egon muthil-zahar.
VI.
Mirail baten aldean, goizetik, josiak,
Han dituzte miratzen aurkhintza guziak;
Egun gauza bat eskas, bertze zerbait bihar,
Nor ez da lotsatuko? Gauden muthil-zahar.
VII.
Zenbat senhar munduan, gaizki gerthatuak,
Lephoraino sasian direnak sarthuak!
Orai egiten dute berantegi nigar,
Hanbat gaixto berentzat, egon muthil-zahar.
VIII.
Ezkontzako bideak, legun eta garbi,
Urrundik begiratuz, du belus´iduri,
Bainan da hurbiletik, dena harri, bizkar,
Nola bainaiz lausuzko, nago muthil-zahar.
IX.
Segur da, deithuko nau, batek galai hotza,
Behar bada bertzeak harpagon zikhoitza,
Laidoen jasaiteko senti baitut indar,
Askoz nahiago dut egon muthil-zahar.
X.
Oi! hauxe da mendea gizon gaztendako!
Orai andreak dire jaunen larrutzeko,
Ez othe da, diozu, xuhur zenbait bakhar?
Ez nezake zin egin, gauden muthil-zahar.
XI.
Hobeago zuretzat othe da zoria!
Zuri nago, neskatxa, goregi jarria?
Utzatzu sobraniak, izanen da senhar,
Non ez egonen zare bortxaz neska-zahar.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 201 or.
http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra