Bertsoak - Fitxa ikusi Atal honi buruz gehiago jakiteko
2019-12-14 Donostia Txapelketa [Bertsoa] / Ane Labaka Mayoz, Beñat Lizaso
| Bertsoa entzun |
2019-12-14 Donostia Txapelketa [Bertsoa] / Ane Labaka Mayoz, Beñat Lizaso
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
B. Lizaso:
Bortxaketak gauza asko
dauzka ordainetik
batzuk pasatzea nahi
dutenak gainetik
nik hitz egingo diet
nere ezinetik
ikusten degu modu
hain desberdinetik
jende askok jaten du
besteen minetik. (bis)
A. Labaka:
Hori egin litekeenik
zaila zait ulertzen
barrua sentitzen det
ia minak lehertzen
izena zabaltzean
nahikoa oker zen
kamarak guregana
dituzte okertzen
baina bortxatzailea
ez da inon agertzen.
B. Lizaso:
Hortik hasiko dira
guretzat problemak
neurririk ez dulako
biok degun penak
baina jakin behar du,
Ane, herri denak
ta aipatuko ditu
nere ahots ozenak
bortxatu duenaren
izen-abizenak.
A. Labaka:
Kamaraz bete dute
hainbat teilatupe
ta kasuak izan du
nahikoa entzute
gure alabak dauzka
soilik hogei urte
sistema gaixo dago,
nik esango nuke,
erasotan morboa
ikusten badute.
B. Lizaso:
Hala ibiltzen da, bai
gizarte zikina
sufritu duenari
berriz eman mina
baina alda dezagun
guk mundu gordina
seinalatuko degu
da gauza jakina
sufritu dezan gure
alabak adina.
A. Labaka:
Batzuk hezten gaituzte
beti beldurrean
autoestima dauka
alabak lurrean
gaur gure etxepeko
luze-laburrean
kazetari bat jartzen
bazait muturrean
harro mintzatuko naiz
kamara aurrean.
Datu-base honetan eskainitako informazioari buruz jakiteko, kontsultatu lege oharra