Bertsoak - Fitxa ikusi Atal honi buruz gehiago jakiteko
Eria ezagutzaz bethea errexinoletarentzat [Bertsoa] / Jean Baptiste Larralde "Dr. Larralde"
Eria ezagutzaz bethea errexinoletarentzat [Bertsoa] / Jean Baptiste Larralde "Dr. Larralde"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Kantarien errege!
Hire kantatzeko
Gai denik nor daiteke
Hitaz beraz kanpo?
Geroztik, itsumendu
Zerbait othe dut nik?
Ez, eskertiak ez du
Neurritzen indarrik.
II
Modestiaz bethea,
Gabaz duk kantatzen,
Unhaturik jendea
Lo denean jartzen.
Hik uste duk bakharrik
Haizel´atzarria,
Erne zagok hargatik,
Khexu den eria.
III
Bai, erne zagok eta
Oi! ohatze-pean!
Sasitik hire kanta
Hasten dukanean,
Ordutik ene minak
Zaizkidak ixiltzen,
Eta gau luzeenak
Labur iruditzen.
IV
Maiteaz orhoiturik,
Hago hasperenez,
Hurbil izanagatik,
Gabaz ikhusten ez,
Ai! nahiz agian hiri
Lagun itzalia,
Kanta, kanta zak bethi,
Ez ahantz eria.
V
Batzuetan gorago
Duk altxatzen boza,
Orduan urrunago
Duk senti esposa:
Oi! aphal, berdin gora,
Zoin den hunkigarri!
Maiz zohak bihotzera
Handik dena jalgi.
VI
Zertako primaderak
Ez iraun bethiko!
Iphar goxo,loreak,
Bakharrik lekhuko!
Laster (zorigaitzean!)
Denboraren ihes,
Ganen haiz ni ohean
Utzirik nigarrez.
VII
Adios! bizi banaiz
Heldu den urthean,
Othoi, phausatuko haiz
Ohiko tokian,
Lanjeretik han urrun,
Ta hurbil maithea,
Kantatuko duk legun,
Emadak fedea.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 215 or.
http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra