Bertsoak - Fitxa ikusi Atal honi buruz gehiago jakiteko
Pobria [Bertsoa] / Augustin Etxeberri
Pobria [Bertsoa] / Augustin Etxeberri
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Mundura sortu nitzenian,
Sortu nitzen deusik gabian,
Eta naiz manera berian.
Orduan pobre, orai pobre,
Jaunaren miserikordian,
Lagunduren nau agian,
Batian edo bertzian
Segitzen banaiz bidian.
II
Oi, pobriaren urusa,
Ez ditake ongi pentsa,
Haren geroko intresa,
Pobrearentzat Jainkoak dauka
Zeruan lekhu espresa
Hango bakhe loriosa
Aldiz abarasiosa
Ez ditake nihon goza.
III
Deusik ez badut jateko,
Atian nago belhauniko,
Othoitzian etxe hartako,
Etxeko andriak nere othoitza
Laster darot adituko,
Amoina eskuan jautsiko,
Andria agian bethiko
Jaunak zaitut lagunduko.
IV
Negua zait arribatzen,
Kuraioski naiz kausitzen,
Jainkoak bainau laguntzen
Haren laguntza handiarekin
Ez naiz biziki khexatzen
Sofrikariak zer diren
Ez ditu nik ezagutzen
Loriak dauzkit estaltzen.
V
Suertatzen naiz eria
Oi, jendiaren borondatia,
Egiten dautet eskia,
Desiratua daukat nik ere
Halakoirentzat loria,
Pobriaz urrikaltzia
Da zerua idabaztia
Othoi, nitaz pietatia.
VI
Holaxe izaten badut
Gehiago zer behar dut,
Aberats goserik ez dut.
Jaunarekin bakhe gozoa,
Segurki nahiago dut
Mundu zoro hau nik zer dut
Jauna zerbitzatzen zaitut
Loria esperantza dut.
VII
Mundura zertako sortu
Behar ditut abisatu
Nahi banaute aditu,
Aberats eta pobriak ere.
Jaunaren haurrak gare gu,
Dezagun hura maitatu,
Aberatsa adi zazu,
Eternitatiaz orhoitu.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 223 or.
http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra