Bertsoak - Fitxa ikusi Atal honi buruz gehiago jakiteko
Gerla [Bertsoa] / Joanes Berjes
Gerla [Bertsoa] / Joanes Berjes
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Zori gaixtoan zagon gerlaren hastea,
Hortara izatu da hainitzen kaltea
Etsaia garhaitzeko harturik ustea
Enganatu izan da enperadorea.
II
Jaun horrentzat baduzu mila erraiteko
Bakharrik ezin izan denen gogorako,
Khoroak zituen guziez gorago,
Geroztik jarria da hainitz aphalago.
III
Urguluaren gatik utzi du gortea,
Etzuen hala uste han preso hartzea,
Hainitzek pena hartu artzaina galtzea
Ikhusirik hola zen gure arthaldea.
IV
Lan hori ikhusirik ginen lotsatuak
Hala manatzen zuen gure estatuak,
Etsaiek ordurakotz lur hainitz hartuak
Zeren ez ginelakotz ongi prestatuak.
V
Solas hau hasia zen zoro baten pare
Langile guti eta hainitz manazale,
Erresuma gaizki zen nausi onik gabe,
Zerbaiten egitera obligatu gare.
VI
Hortakotz bildu ginen botzak emateko
Deputatuak egin denen zerbitzuko
President bat hoiekin ongi gidatzeko,
Beharretan ginela ez da dudatzeko.
VII
Jaun deputatuekin egin da bakea,
Deliberatu dute etsaia khentzea,
Jasaiten dugularik hark eman golpea
Orai bilha dezagun haren sendatzea.
VIII
Gorriak altxaturik Parisko hirian
Deputatuen kontra kolera handian
Egiak ostikatuz zangoen azpian
Manatu nahi zuten guzien gainean.
IX
Gogor egiten zuten burua berorik,
Etzutela on hartzen Versailgo legerik,
Gizon saindu batzuen odolaz aserik,
Ez bide zen orduan nihoren beldurrik.
X
Versaildarrak Parisen barnerat sarturik
Gerlaren egiteko etzuten dudarik,
Azkenekotz gorriak humiliaturik
Hainitz liskhartu ziren zorrak pagaturik.
XI
Ez dugu hartu behar pena bihotzean,
Alegera gaitezen gerla gelditzean,
Guziak juntaturik lege on batean,
Hala behar ginake guk orai Frantzian.
XII
Othoitz egin behar da Jaun zerukoari,
Indarra eman deion hark bake onari,
Gerla nahi duena daukat urrikari,
Huntan uzten zaituzten zuen zerbitzari.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 244 or. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra