Bertsoak - Fitxa ikusi Atal honi buruz gehiago jakiteko
Aita Guziz Santu Pio IX-ri oraingo perilen artean [Bertsoa]
Aita Guziz Santu Pio IX-ri oraingo perilen artean [Bertsoa]
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Aingeru galai egalariyak!
Ez dakatzute kanturik?
Ots eta soinu zerukoakin
Ta argiz aizeak pizturik
Kanta dezagun Aita Santua
Zeru ta lurrak pozturik
II
Aita santu txit maitagarriya
Gure animen artzaia!
Zoratzen gera pozez, jakinik
Zure bertute garaia...
Nola su-ta-gar egingo ez da
Ori ikusirik etsaia?
III
Ara Beltzebu, beltzen buruba,
Gizon guztiyak gaiztotzen!
Zertako dabil tximistak sutzen
Eta olatuak arrotzen,
Eta astindurik itsas ondoak
Ekaitz gogorrak jasotzen?
IV
Pedroren ontzi miragarria
Oso nai luke puskatu,
Alper alperrik. Zer? Gure Pio
Jaunak etzuen autatu?
Bai. Etsai danak menderatzeko
Pio, Zu zera goratu.
V
Jauna zurekin dezun ezkero
Ez bildur eta ez ikara,
Ez da perilik Zure ontziya
Zuzen dijoa kaiara...
Guazen Zurekin iritsi arte
Zeru barru ber-bertara.
VI
Etsai gaiztoak atzetik zaunkaz
Arrabiatu dezala,
Simon Magoak arroturikan
Lurra jo zuen bezala
Eroriko da naita naiez,
Orroa beza naiala.
VII
Jesus gurekin izango degu
Ta Ama Birjina Maria,
Parerik gabe bere Sorreran
Eder ta garbi-garbiya
Aingeru danen ispilua ta
Zeruko izarren argiya.
VIII
Bai, gure Pio biotzekoa,
Infernuaren ateak
Ez dute eskurik ezarritzeko
Geiegi Zuri kalteak;
Zapaldu beza Luzbel arroa
Zure oinaren golpeak.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 255-256 or. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra