Bertsoak - Fitxa ikusi Atal honi buruz gehiago jakiteko
Biba Republika! [Bertsoa] / Gratien Adema "Zalduby"
Biba Republika! [Bertsoa] / Gratien Adema "Zalduby"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
Dugun errepika:
Bib´Errepublika!
Dugun errepika:
Bib´Errepublika!
I
Errepublika zer den ez dakienari, (bis)
Huna hots nik egia: denek nausi nahi.
Dugun errepika...
II
Errepublikak liro xoraraz mundua, (bis)
Damurik fama hitsa du lehen bildua.
Dugun errepika...
III
Lehengo denboretan Errege batto zen: (bis)
Orai denak errege hori da hori zuzen.
Dugun errepika...
IV
Ni ere errege naiz, bainan ez aisian! (bis)
Bertzeak gainian eta ni bethi azpian.
Dugun errepika...
V
Errepublika hortan ez zaiku itsusi (bis)
Parisko xanfarinak baititugu nausi.
Dugun errepika...
VI
Bazterretan gizonik ez omen zen lehen, (bis)
Eta gizona orai beha zein merke den!
Dugun errepika...
VII
Podore´ta karguak, lehen oi zer gauzak! (bis)
Orai indarrak ditik ziri baten bozak!
Dugun errepika...
VIII
Lehen aitoren seme eta orai burjes!(bis)
Bainan jende xehea bethi berdin nekhez.
Dugun errepika...
IX
Kargu handi horiek hauxe ditek ona!(bis)
Berehala joritzen uharrik zagona.
Dugun errepika...
X
Askoren alde orai huna arrozoina (bis)
Ebasle indartsua ez dela ohoina!
Dugun errepika...
XI
Asko gauza zen lehen zilhegi ez zenik.(bis)
Orai zer nahi libre, bertzek bainan ez nik.
Dugun errepika...
XII
Lehengo sinhesteak utzi baititugu,
Nihundik orai nori fida ez dakigu.
Dugun errepika...
XIII
Lehen zerga eta orai kontribuzione, (bis)
Noiz larrutuko nauten beha nago erne.
Dugun errepika...
XIV
Lehen ginenak gure odolaren jabe, (bis)
Orai oro soldadu, gerlarako gare.
Dugun errrepika...
XV
Gu baino goragotik lehen manatuak,(bis)
Geroni gare orai legegiletuak.
Dugun errepika...
XVI
Lehen ez zen bezala da mundua orai:(bis)
Ttikia handiari manatzeko da gai.
Dugun errepika...
XVII
Sehiak nausiari: Orai guardi´emak, (bis)
Errepublikak gaitik berdin egin denak.
Dugun errepika...
XVIII
Nausiak errepusta: Errepublikak to, (bis)
Hi segurik hagoka bethi berdin asto.
Dugun errepika...
XIX
Asto hau, halere, zagozte, ia beha, (bis)
Egun batez daiteke Frantsesen jabea.
Dugun errepika, Bib´Errepublika. (bis)
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 276-277 or. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra