BDB Bertsolaritzaren datu-basea

Informazio orokorra

Kategoria

Ez bat-batekoa

Aldizkako Ekitaldia

Lore Jokoak (25. 1877. Donapaleu) Idatzizkoa

Bertsolariak / Egileak

Arana, Jose Inazio (1838-1896)

Deskribapena

Izenburua

1212. Gurutzearen garaitzapena euskualdunakin Navasen

Dokumentuan jasotako izenburua

1212. Gurutzearen garaitzapena euskualdunakin Navasen

Dokumentuan jasotako bertsoaren hasiera

Atozte, korri kantatutzera, Euskaldun anai maitiak

Sinadura

Jose Ignazio Arana

Data

1877-00-00

Bertso kopurua

6

Bertso dokumentu mota

Liburua

Edukia

Interneten

http://hedatuz.euskomedia.org/4008/

Kokapena

Kokapena

XDZ - Xenpelar Dokumentazio Zentroa

Argitalpen datuak

Argitalpenaren izenburua

Anton Abbadiaren koplarien guduak (1851-1897) : Bertso Bilduma [Liburua]

Orrialdeak

284-285

1212. Gurutzearen garaitzapena euskualdunakin Navasen [Bertsoa] / Jose Inazio Arana

Dokumentu-mota:  Liburua  Argitalpenaren izenburua:  Anton Abbadiaren koplarien guduak (1851-1897) : Bertso Bilduma [Liburua]
Kokapena:  XDZ - Xenpelar Dokumentazio Zentroa 

---

I
Atozte, korri kantatutzera,
Euskaldun anai maitiak,
Gurutze galai Jainkozkoaren
Mirari guziz andiak,
Gurutze baten gugatik ilik
Jaungoikuaren Semiak,
Desegin ditu beti-betiko
Etsaien asmo guziak,
Distiatzen du mundu osoan
Gurutzearen argiak.

II
Orixen dago zein edergarri
Gure mendien gainetan!
Ori Erregeen buruetan da
Agintarien armetan!
Ori da agero gailorturikan
Gure Eliza danetan.
Lezo-santura begiak altxa:
Euskaldun erri onetan
Gurutzearen mila mesede
Arkitzen dira loretan.

III
Lauburu onek mila ta berreun
Amabigarren urtean
Euskaldunakin garaitu zuen
Mairu-gogorren artean:
Santxo ta Alfonso buru zituzten,
Ta Aro Jaunaren mendean,
Arri-ta makil bazijoazen
Basamortuen tartean,
Ilera askotan isil-isilik
Mendi-gain artu artean.

IV
Igo ziraden artzai batekin
Muradaleko portura,
Ekusteko zan Afrikatarren
Beldur larri ta estura.
Bela dijoaz, Ubeda utzirik,
Errege duten lekura,
Baina Kristabak gurutzeakin
Ta Ama Birjinaen itxura,
Sartzen zaizkate il-edo-bizi
Beren gain eta burura.

V
Aurrera! dio Alonso erregek,
Ta oiduka danak, aurrera!
Aro ta Lete, Nuño ta Lopez
Saltoka ezpaten artera,
Milaka euskaldun, otsoak nola
Ardiak triskilatzera.
An ere datoz napar ta Aragoi
Kateak purrukatzera,
Lotsa-gorrian errege beltza
Sevillaratu da atzera.

VI
Ilerri bat da ilkintzekin
Navas deritzan tokiya,
Berreun mila Berberiskoak
An utzi zuten biziya,
Gizon-odolez ujoltzen zala
Guadalaviarko ibaia,
Gloria bada gurutzeari,
Birjin Amari gloriya,
Ta izarrez gora jaso dezala
Mundubak Euskal-erriya.

Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 284-285 or. http://hedatuz.euskomedia.org/4008/