Bertsoak - Fitxa ikusi Atal honi buruz gehiago jakiteko
Euskaldun baten arrenkurak [Bertsoa] / Klaudio Otaegi
Euskaldun baten arrenkurak [Bertsoa] / Klaudio Otaegi
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Zorigaiztoan nintzan etorri
Ai, nere ama biguna,
Ainbeste laztan, aritz intxaur ta
Gerezi azpian emana!
Urez onontza, zentzu gaberik
Berorren konseju ona
Duzun nai ezik, lajaturikan
Mundu bazterrik onena.
II
Mendi oriek utzi ezkeroz
Ez det izandu pakerik,
Inon arkitu ez dedalako
Nere erriren antzekorik:
Zoriontasun paregabeak
Or nenkarkien, ama, nik
Emen ez dago galgiroa ta
Desengainua besterik.
III
Orko ispligu erremeroak
Duten usaiaren ordez,
Mendi orritsu, zelai berdetan
Zeru osgarbiren partez,
Belar pozoiak, egoaizeak,
Lainoak.... ezer onik ez,
Arkitzen dira, inoiz aztuko
Ez diranak nere ustez.
IV
Baleki zenbat neke irago
Ditudan dagoeneko!
Seguru nago ez lituzkela
Inondikan sinistuko:
Gose egarriak, izurri minak...
Denak esan, zertarako?
Izandu bitez egin ditudan
Oker danak zuzentzeko.
V
Kaiolatik itsuri egin
Zuten txorien gisara,
Zenbat, ai ama! ezin bizirik
Gabiltz ara ta onara,
Pensamentuak utzi ginuzen
Sukaldetara begira!
Sinistu beza, orko doaiak
Zerutik jetxiak dira.
VI
Parre gozo ta zoragarriak,
Negar biurtu zazkigu,
Fedez beroak ekar ginuzen
Biotzak sekulako oztu;
Denbora garbi ederraren truk
Ekaitz gogorrak agertu,
Zenbat soineko txuriren ertzak
Dituztenak, ai! zikindu.
VII
Barkatu bizait, arren barkatu,
Ama, nere utseginak,
Ekar nituen utsirudiak
Dira aizeak eramanak:
Ematen badit itzulitzeko
Dina diru gure Jaunak,
Or nau berriro iragotzen
Lenagoko egun onak.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 313 or. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra