Bertsoak - Fitxa ikusi Atal honi buruz gehiago jakiteko
Ume-xurtx erromes baten auhenak [Bertsoa] / Arnaud Haramboure "Ziburuko Xantrea"
Ume-xurtx erromes baten auhenak [Bertsoa] / Arnaud Haramboure "Ziburuko Xantrea"
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Auhenik minenetan boza dut altxatzen!
Oinaze saminetan nola den aditzen
Ama galdu ondoan neeka bildotxa:
Orobat datza nitaz, ni naiz ume-xurtza!
II
Gazte eta ezdeusa, indarrik gabea,
Hemen naiz bakartua haur dohakabea.
Ni bezala dathorke munduan bakhotxa!
Urrikal zaizte nitaz, ni naiz ume-xurtza!
III
Eskua luzatzen dut sos bat izateko,
Gose dut hanitz eta ogia jateko.
Ez othe dut balio lurreko mamutxa?
Urrikal zaizte nitaz, ni naiz ume-xurtza!
IV
Udan hala neguan, ene janaria
Ogi beltz puxka bat da nigarrez bustia,
Edaritzat errekan ithurritxo hotxa.
Urrikal zaizte nitaz, ni naiz ume-xurtxa!
V
Iz-hotz, elhur, hormekin hotzak gogortua,
Soin eta jauntz-garriez erdi gabetua,
Su ttiki bat phizteko eskas dut korbotxa!
Urrikal zaizte nitaz, ni naiz ume xurtxa!
VI
Egunaren ondotik ilhuna denean,
Etzatekotzat zer dut?... lastoa lurrean,
Alkitxo aphal batek ordainduz lumatxa.
Urrikal zaizte nitaz, ni naiz ume-xurtxa!
VII
Bederen argi banu hara han uhartza!...
Ethorkizunak deraut goibeltzen bihotza!
Geroaz eritua, nork naitzake altxa!
Urrikal zaizte nitaz, ni naiz ume-xurtxa!
VIII
Aita belhar on bat da, ama samurrago,
Eskasa sentitzen da galdu eta gero!...
Aiher ez dut hetarik, naitzakenik goxa!
Urrikal zaizte nitaz, ni naiz ume-xurtxa!
IX
Aita amen jabe zaizten, haur lagun gazteak,
Bihotzetik ez urrun burhaso maiteak:
Hek aldean banitu zer bizi errexa!
Urrikal zaizte nitaz, ni naiz ume-xurtxa!
X
Zoin da hemen barnea ez dena hautsiko,
Nigar hauk ikusirik nigar egiteko?
Haurtxoa naiz batetik, bertzetik nexkatxa,
Urrikal zaizte nitaz, ni naiz ume-xurtxa!
XI
Sehaskatik hobirat, bide luzeena
Gizoneri zaiote maizik laburrena.
Orena bada, Jauna, bethorkit hil-kutxa!
Urrikal zaizte nitaz, ni naiz ume-xurtxa!
XII
Zeruko ene Aita, guzien nausia,
Xoriñoak zu ganik noiz du eskasia!
Maite duzu usoa, halaber belatxa.
Urrikal zaite nitaz, ni naiz ume xurtxa.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 334 or. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra