BDB Bertsolaritzaren datu-basea

Informazio orokorra

Kategoria

Ez bat-batekoa

Aldizkako Ekitaldia

Lore Jokoak (38. 1890. Maule)

Bertsolariak / Egileak

Ibarrart, Piarres "Bettiri"

Deskribapena

Izenburua

Bildots ait'amez gabetua

Dokumentuan jasotako izenburua

Bildots ait'amez gabetua

Dokumentuan jasotako bertsoaren hasiera

Sorthu nintzen neguko gaurik hotzenean, Aita hil berria zen, ni munduratzean

Sinadura

Piarres Ibarrart

Data

1890-00-00

Bertso kopurua

11

Bertso dokumentu mota

Liburua

Edukia

Interneten

http://hedatuz.euskomedia.org/4008/

Kokapena

Kokapena

XDZ - Xenpelar Dokumentazio Zentroa

Argitalpen datuak

Argitalpenaren izenburua

Anton Abbadiaren koplarien guduak (1851-1897) : Bertso Bilduma [Liburua]

Orrialdeak

364

Bildots ait'amez gabetua [Bertsoa] / Piarres Ibarrart "Bettiri"

Dokumentu-mota:  Liburua  Argitalpenaren izenburua:  Anton Abbadiaren koplarien guduak (1851-1897) : Bertso Bilduma [Liburua]
Kokapena:  XDZ - Xenpelar Dokumentazio Zentroa 

---

I
Sorthu nintzen neguko gaurik hotzenean,
Aita hil berria zen, ni munduratzean,
Amaz gabetu nintzen gau hartan berean,
Ume-zurtza gelditu etxola batean.

II
Auhenka ari nintzen iraungia gosez,
Lurrean hedatua ikharetan hotzez,
Jainkoa urrikalduz ene bihotz minez,
Lagundu nau, izeba amatzat emanez.

III
Ethorri zen izeba nitaz jabetzera.
Bihotz onez altxatu besoen artera.
Hark eraman ninduen Bizkaiko etxera,
Eta esnea eman nasai edatera.

IV
Ume jabe gabea ez hadila lotsa,
Nahiz aita eta amekin ez haiteken goza,
Nik arthaturen baihaut ahal bezain ontsa,
Behar ordu guziez altxa niri boza.

V
Primaderan loreak agertzearekin,
Borturat ginohazin biak ardiekin,
Izebak erran zautan: agokit enekin,
Lanjeretan ni gabe, hi eror ez hadin.

VI
Hi baihaiz ederrena bildots guzietan,
Harturen hau otsoak hortaz begietan,
Etxolarat bil hakit ilhun hegietan,
Eta urik ez edan ziphu lohietan.

VII
Ene maite lagunak ait’amek arthatzen,
Gomendio guzia nik bezala zuten,
Bainan librotasuna maitegi baitzuten,
Toki debekatuak hautatzen zituzten.

VIII
Ait’ametarik ziren behin eskapatu
Oihanik beltzenera elgarrekin heldu,
Han zituzten otsoek itsuski kolpatu.
Bizia utzi, bainan ohorea khendu.

IX
Nik ziphu lohitsuan ez dut edan urik,
Ez otsoen menean egon lokharturik,
Hortakotz dut galdea izatu gazterik,
Muthil aberats eta prestu baten ganik.

X
Izebak nahi baitu, hura dut utziko,
Zelhai eder batera naiz egun jautsiko,
Aisean bizitzea dut ardietsiko,
Eta otso maltzurrak ez nau ausikiko.

XI
Ume zurtz prestu hori ekharriz gogora,
Bizi bedi gaztea horren arabera,
Aphal sorthu zuhurra altxa daite gora,
Aberats ergela da jautsiko behera.

Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 364 or. http://hedatuz.euskomedia.org/4008/