Bertsoak - Fitxa ikusi Atal honi buruz gehiago jakiteko
Amets bat [Bertsoa]
Amets bat [Bertsoa]
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I
Amets batek zoraturik nago
Guan den arratse batian
Plazer haundia hartzen dut oraino
Amets hartaz oroitzian,
Aingeru bat agertu zitzaitan
Neure begien aintzinian
Iruskia bezain ederra zen
Zerua garbia denian.
II
Neure bizian ez dut ikusi
Alako aingeru ederrik,
Lurraren gainean ez da izanen
Hari paretuko denik,
Neure ganat etorri zenian
Urre eta diamantez beterik
Bozkarioak ez zuen geiago
Neure biotzian lekurik.
III
Neure ondorat heldu zenian
Lore xuri bat eskuan
Bi egalak ere zabalduak
Korona eder bat buruan
Diamantazko zintura haundi bat
Gorputzaren inguruan,
Uste nuen sartua nintzela
Aingeruen Parabisuan.
IV
Tonbako ixiltasuna edo geiago
Bazen gure inguruan,
Mintzatzeko ahala galdurik
Egotu nintzen orduan,
Alako mementorik ez dut pasatu,
Dudalarikan goguan
Ura baino kreatura ederragorik
Ez da izanen Zeruan.
V
Mintza zite Aingeru ederra
(Erran nion azkenian)
Zertarat agertu zare bada
Olako edertasunian.
Neure bila etorri bazare
Etorriko nahi lorian
Zurekin hola ibiltzekotan
Aingeru guzien erdian.
VI
Azken itza finitu nuenian
Guan zen usoaren idurian,
Aren agotik solas bat bederen
Aitu gabe azkenian,
Bainan plazer bat gelditu zitzaitan,
Sekulakotz biotzian
Behar bada ikusiko dut oraino
Bertze ametsa batian.
VII
Ilusione guziak dirare
Denborarekin finituko,
Gazteko plazer ederrak berriz
Ez baitire itzuliko.
Jinkoari biotzaren erditik
Orai diot galdetuko
Osasuna on bat eman dezala
Ahal bezain luze bizitzeko.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 373-374 or. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra