Bertsoak - Fitxa ikusi Atal honi buruz gehiago jakiteko
Ama baten otsa seaskaren ondoan [Bertsoa] / Franzisko Lopez Alen
Ama baten otsa seaskaren ondoan [Bertsoa] / Franzisko Lopez Alen
Dokumentu-mota:
Liburua
Argitalpenaren izenburua:
Anton Abbadiaren koplarien guduak (1851-1897) : Bertso Bilduma [Liburua]
Kokapena:
XDZ - Xenpelar Dokumentazio Zentroa
I Zer darabilzu, nere maitia?
Nork du maitetxo esnatu?
Ametsetatik ain ondo zeuden
Nork othe zaitu ernetu?
Norentzat dira far-irri oiek?
Nori bigaltzen dizkatzu?
Zu esnatutzen zeran guztiyan
Ama jartzen da kontentu.
II Zeinenak dira musu gorriyak
Maindiriaren orrian
Diruditenak lorak daudenak
Sardinen osto tartian?
Nork zabaldutzen ditu algarak
Orren alaitxo etxian?
Nork jarri zaitu usai gozozko
Seaska txuri-txurian?
III Aitatxo aurki datorrenean
Lanetik zure ondora,
O! zer pozakin laztan-musuka
Zaitun artuko besora,
Ta bitartian gure aurtxoa
Titia artuta gerora
Lo egingo du, amak etxeko
Lanak eginik gustora.
IV A! nik ikusten zaitutanian
Lotan zaudela geldirik
Ile kiskurrak darizutela
Kopetetikan jetxirik,
Orduban nere barrenak ez du
Pentsatzen beste gauzarik,
Jaunak zuretzat etorkizunan
Zer ote dauka gorderik!
V Ez! ... etzazula negarrik egin,
Amatxo dago ondoan,
Eta negarrak amatxori gaitz
Egiten diyo kolkoan;
Ez!... Ez!... maitia, atoz nigana
Artuko zaitut besoan
Ikus itzazun mutil txikiak
Jostatzen gure auzoan.
B
I Ilunabarra badator
Gauza guziyak estaltzen
Eguzkiak zitubenak
Ain ederki apaitzen.
II Nere ondoko leiotik
Sentitzen det: zer gozo!
Aurrari nola ari dan
Ama kantari erazo:
III “ Nere maitia, lo ta lo,
Egingo degu gozoro...!
Zuk orain eta nik gero
Biyak egingo degu lo...lo...lo...!”
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 386 or. http://hedatuz.euskomedia.org/4008/
Datu-base honetan eskainitako informazioari buruz jakiteko, kontsultatu lege oharra