BDB Bertsolaritzaren datu-basea

Informazio orokorra

Kategoria

Ez bat-batekoa

Aldizkako Ekitaldia

Lore Jokoak (44. 1896. Maule)

Bertsolariak / Egileak

Arrese Beitia, Felipe (1841-1906)

Deskribapena

Izenburua

Euskaldun martire, saratar neskatila Larraldeko

Dokumentuan jasotako izenburua

Euskaldun martire, saratar neskatila Larraldeko

Dokumentuan jasotako bertsoaren hasiera

Gura neuskizuz zuri gloriak Kantau, neskatxa samurra

Sinadura

Felipe Arrese Beitia

Data

1896-00-00

Bertso kopurua

6

Bertso dokumentu mota

Liburua

Edukia

Interneten

https://core.ac.uk/download/pdf/11499283.pdf

Kokapena

Kokapena

XDZ - Xenpelar Dokumentazio Zentroa

Argitalpen datuak

Argitalpenaren izenburua

Anton Abbadiaren koplarien guduak (1851-1897) : Bertso Bilduma [Liburua]

Orrialdeak

415-416

Euskaldun martire, saratar neskatila Larraldeko [Bertsoa] / Felipe Arrese Beitia

Dokumentu-mota:  Liburua  Argitalpenaren izenburua:  Anton Abbadiaren koplarien guduak (1851-1897) : Bertso Bilduma [Liburua]
Kokapena:  XDZ - Xenpelar Dokumentazio Zentroa 

---

I
Gura neuskizuz zuri gloriak
Kantau, neskatxa samurra,
Frantzian igo eben denporan
Gorriak Gobiernura,
Oinperaturik ain gizon gaizto
Infernutarren bildurra,
Oraindik izan arren amabost
Urteko gazte biguna,
Pinet ta bere lagunak gaitik
Ez eutsulako ardura.

II
Alperrik eutsun, lotu zinduzan
Piketearen buruak,
Esan guzurraz estalduteko
Berako zure kontuak,
Jakin etzedin zetara emon
Zenduzan ara pausuak,
Ta gitxiago an zelan artu
Zenduzan sakramentuak,
Zeintzuek gaitik pagau ez eian
Ondotxo zure lepuak.

III
Orduan baina fedez sututa
Ain modu miragarrian,
Erantzun zendun: “Naiz il naiela
Ni ilgo nabe Egian,
Jakin begie gura badabe
Agintariak Frantzian
Zelan konfesau eta komulgau
Nazan Berako errian
Jauna iraindu baino len zeren
Il gura dodan grazian”.

IV
Nor ez da arri egingo oso
Non nai zu ikusitean
Mendi bat legez, gogor ta zutik
Katolikoen fedean,
Ikara baga, egia beti
Autortzen tenple batean,
Naiz soldaduen, zein jeneralen
Bardin juezen aurrean,
Jakina gaitik epai gaizto bat
Zeunkala zeure gainean?

V
Baina, Jesus da egia eta
Zu zinan egi zalea,
Orretxe gaitik, o! Madalena!
Kristo zan zure maitea,
Nogaz zenduan zuk bizi gura.
Nogaitik bere iltea.
Nogaz guzurraz etzendulako
Txarto nai geratutea,
Bere etsaiak emon eutsuen
Kastiguz eriotzea.

VI
O! neskatila Sarako gazte
Fedez bardinik bagea!
Il bear eta kantetan dozu
Birjin-Amaren Salbea.
Lirio guri zinan denporan
Ikusgarrizko loria,
Gilotiniaz gorriak zuri
Ebagi arren samia,
Orain zeruan gozetan dozu
Martiriaren koroia.

Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 415-416 or. https://core.ac.uk/download/pdf/11499283.pdf