Bertsoak - Fitxa ikusi Atal honi buruz gehiago jakiteko
2019-09-01 Plentzia Jaialdia [Bertsoa] / Alaia Martin
| Bertsoa entzun |
2019-09-01 Plentzia Jaialdia [Bertsoa] / Alaia Martin
Neurria:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Kokapena:
XDZ - Xenpelar Dokumentazio Zentroa
A. Martin
Gutxi begiratzen dugu
lehenaren pantailara
denborak hartu du eta
urteotan abiada
deportatu, iheslari
vintagea da beharbada
ta gaurkoa gainditzeko
zenbatentzat aski traba.
Zazpi mila ta berrehun
beiratuz gero mapara
zazpi mila ta berrehun
ta beti bi begirada
norabidearen baitan
distantzi desberdina da. (bis)
Urteak igaro dira
aldatu dira paisaiak
lurrazalaren mapak ta
herrietako bisaiak.
Holakotan debekuak
eta mugak ekipaiak
bihurtzen dira ta urrundu
ohi gaitu hurbildu nahiak.
Baina pentsa zer dakarren
orainaldiko talaiak
maitasun ta atxikimendu
dira delituen gaiak
sustraiak maitatzearren
mozten dituzte sustraiak. (bis)
Ez dakit zehazki zenbat
urte ote diren aurten
zure sorbaldetan zure
iragana eramaten
aurpegia eman nahi ta
beti bizkarra ematen
ea bada hurrengoan
ta hurrengoan esaten
nik gehiagotan entzun dut
ea aipatu nezakeen
ta hemen nago berriro
kantuan igande baten.
Ea ongi etorrian
ere kanta genezakeen. (bis)
Datu-base honetan eskainitako informazioari buruz jakiteko, kontsultatu lege oharra