Bertsoak - Fitxa ikusi   Atal honi buruz gehiago jakiteko

Bertso berriak, Txalakak jarriak [Bertsoa] / Txalaka

Informazio orokorra

Kategoria
Ez bat-batekoa
Bertsolariak / Egileak
Txalaka

Deskribapena

Izenburua
Bertso berriak, Txalakak jarriak
Dokumentuan jasotako izenburua
Bertso berriyak, Txalaka'k jarriyak
Dokumentuan jasotako bertsoaren hasiera
Euskal anaiak esna gaitean aspaldiko lo zorrotik
Sinadura
Txalaka
Data
1962-00-00
Neurria / Estrofaren izena
Hamarreko handia (hg) / Bost puntuko handia (ip)
Bertso kopurua
9
Bertso dokumentu mota
Bertso-papera
Deskribapen fisikoa
1 orri

Edukia

Kokapena

Kokapena
XDZ - Xenpelar Dokumentazio Zentroa
Originala / Kopia
Originala

Argitalpen datuak

Inprimategia / Argitaletxea
Izarra
Argitalpen / inprimatze data
1962-00-00

Bertso berriak, Txalakak jarriak [Bertsoa] / Txalaka

Neurria:  Hamarreko handia (hg) / Bost puntuko handia (ip)  Dokumentu-mota:  Bertso-papera  Argitalpen data:  1962-00-00 
Kokapena:  XDZ - Xenpelar Dokumentazio Zentroa 


I
Euskal anaiak esna gaitean
aspaldiko lo zorrotik,
egoera onek ez digu ematen
kristauak geran itxurik.
Gorrotoaren atz biurritan
geren biotzak utzirik,
gorputz animei ezin ekarri
ain gozoa dan pakerik,
era orretan ezin itxaron
agindutako zerurik.

II
Ortze sapaiko trumoi tximistak
ekaitza digu iragartzen,
alakoetan larri oi gera
estalpetxo bat billatzen.
Gorrotoaren oiartzunikan
ez ote degu nabaitzen,
edo-ta griñak eusten dio
geren barruan bizitzen,
ni pekatari aitor gaitean
ta alkar asi maitatzen.

III
Orain baño len gure mendiak
odolez dira gorritu,
ta orain bezela euskal anaiak
alkarren aurka jokatu.
Ala-ta ere geroak beti
egin oi gaitu alkartu,
orain bakarrik ezin diogu
batak-besteioi barkatu,
galdezka nago Alguztidunak
ez ote gaitun itxutu.

IV
Zitalkeriak bultzatu giñun
batak-besteak galtzera,
gerekin giñun zoriona-ta
pake donea austera.
Eta geroztik asarre gabiltz
etsai maltzurren antzera,
gure garaia noiz iritxiko
begira bide ertzera,
gertu bait'gaude lagun urkoa
maittatu ordez iltzera.

V
Iñongo gudan ez-da egiten
Goiko Jauna'ren gogorik,
Bere esanetan galerazia
bait'dago iñor iltzerik.
Seme Maittea aldeztutzeko
millaka zeuzkan gudarik,
ala-ta ere utzi egin zun
Gurutzan jartzen zintzilik,
santa-sekulan ez-da ixuri
alako odol kuttunik.

VI
Alguztidunak odol Donea
ixurtzen utzi zunian,
guk zer arrazoi emango oiogu
jartzean Bere aurrian.
Guda bizia sortu genuen
pakean zegon errian,
bai eta ere gorroto-griñak
kanpoan eta etxian,
kupiratsua izan, oi Jauna!
azken auzira joatian.

VII
Pekatariak aitor gaitezen
apaltasunez jantzirik,
ori egiñak ez digu emango
biyar-etziko damurik.
Leenak aztu eta barkatu
zauri zarrak itxirik,
zin egin zagun ez egiteko
geio iñori kalterik,
kristau zintzoak izan gaitean
euskaldun piñak izanik.

VIII
Gure umeak etxea dauke
ikastolikan onena,
gabiltzan eran ikusi eta
zer-da ikasi leikena.
Azi maltzurra erein ezkero
ekaitza dator berena,
ta orrekin galdu gizatasunez
bizitutzeko almena,
ikasgai onez yoritu daigun
gure semeen barrena.

IX
Oraindik ere zutikan dago
Gernika'n areitz santua,
bere ondoan danok biltzea
da euskaldunon gogua.
Aren itzalak ekarri beigu
biotz guztiko damua,
bai eta ere ezaguera
aitortutzeko errua,
ala pozikan egongo ziagu
guri begira Jainkua.

Bertso berriak, Txalakak jarriak [Bertsoa] / Txalaka

Neurria:  Hamarreko handia (hg) / Bost puntuko handia (ip)  Dokumentu-mota:  Bertso-papera  Argitalpen data:  1962-00-00 
Kokapena:  XDZ - Xenpelar Dokumentazio Zentroa 


Ikusi dokumentuak:

xdz5_btx_001229.tif

xdz5_btx_001229.tif

Dokumentua

Datu-base honetan eskainitako informazioari buruz jakiteko, kontsultatu lege oharra