Bertsoak - Fitxa ikusi   Atal honi buruz gehiago jakiteko

Aitona zaharra [Bertsoa] / Jose Antonio Gesalaga "Zaldubi II"

Informazio orokorra

Kategoria
Ez bat-batekoa
Aldizkako Ekitaldia
Xenpelar Saria (19. 1989)
Bertsolariak / Egileak
Gesalaga, Jose Antonio "Zaldubi II"

Deskribapena

Izenburua
Aitona zaharra
Dokumentuan jasotako izenburua
Aitona zaharra
Dokumentuan jasotako bertsoaren hasiera
Larogei urterekin, bizi naiz nekean
Sinadura
Jose Antonio Gesalaga "Zaldubi"
Data
1990-01-26
Doinua (txt)
Hamalau heriotzearena
Bertso kopurua
10
Bertso dokumentu mota
Hemeroteka (Aldizkari eta Egunkariak)

Kokapena

Kokapena
XDZ - Xenpelar Dokumentazio Zentroa

Argitalpen datuak

Argitalpenaren izenburua
Euskera : Euskaltzaindiaren lan eta agiriak [Aldizkaria]
Liburukia / Urtea
1990, 2
Zenbakia
35
Orrialdeak
459-460
Argitalpen / inprimatze data
1990-00-00

Aitona zaharra [Bertsoa] / Jose Antonio Gesalaga "Zaldubi II"

Dokumentu-mota:  Hemeroteka (Aldizkari eta Egunkariak)  Argitalpenaren izenburua:  Euskera : Euskaltzaindiaren lan eta agiriak [Aldizkaria] Argitalpen data:  1990-00-00 
Kokapena:  XDZ - Xenpelar Dokumentazio Zentroa 


1
Larogei urterekin
bizi naiz nekean,
nahiz eta orain arte
jardun jo-ta-kean,
bizitzak azkenean
jarri nau jakean,
baina azken hobea
izan zitekean,
hil arte bizi nahi dut
Jaunaren pakean.

2
Orain artean ez dut
izan pobrezarik,
inoiz pasatu arren
goibel bajezarik,
sekula ez dut eman
ezeren kexarik,
bizitzak neretzako
ez du sorpresarik,
orduen joanerak
ez bait du presarik.

3
Esnatzean oraindik
daukagu i1una,
ta nekez argitzen da
hurrengo eguna,
leihotik artizarra
beti dut laguna,
isiltasuna bait da
maite ezaguna,
izarrak daki elkar
maitatzen duguna.

4
Seme eta alabak
hazi eta hezi,
baina ezkondu ahala
guztiak berezi,
orain gure artean
bada hainbat hesi,
zahartu naizelako
dabiltza ihesi,
horrela baztertzerik
ez nuen merezi.

5
Nere telefonoa
hor dago isila,
nahiz ustezko lagunak
nik eduki pila,
erlojuak darama
pausaje trankila,
eta ez naiz joango
heriotzan bila,
Jaunak nahi duenean
itzali nadila.

6
Sarritan egoten naiz
suari begira,
edo balkoi ertzetik
aurreko mendira,
edo bastoiarekin
jira eta bira,
baina inor ez dator
nagoen tokira,
ni hiltzen naizenean
etorriko dira.

7
Inor ez zait hurbiltzen
goxoki ondora,
eta ahaideak dabiltz
gerotik gerora,
nahiz eta nitaz jardun
ahotik ahora,
bakardadea sartu
zait gorputz osora,
inoiz irrifarrerik
ezin zait birlora.

8
Denak aspertzen ditut
nere oroimenez,
nahiz-ta esanak esan
asmorik onenez,
bakardadean nago
negar itomenez;
guztiak nere aurka
aurkitzen direnez,
arren pakean utzi
hiltzen gutxienez.

9
Edonon begiradak
dakuskit zorrotzak,
non-nahi entzuten ditut
zurrumurru hotsak,
bakarrik pasa behar
momentu mingotsak,
abegi hobea du
sarritan arrotzak,
neure etxean eta
jan behar nau lotsak.

10
Zahartzaroak egin nau
tristuraren jabe,
eta·nere pausoak
mantsoturik daude,
oraintxe aurkitzen naiz
bizi pozik gabe,
non-nahira joan eta
guztietan sobre...
bizirik irautea
baino hiltzea hobe!

Aitona zaharra : Donostia, 1990-I-26 / Jose Antonio Gesalaga "Zaldubi". Euskera, ISSN 0210-1564, 35 libk., 2 zk., 1990, 459-460 or. http://www.euskaltzaindia.net/dok/euskera/50334.pdf

Datu-base honetan eskainitako informazioari buruz jakiteko, kontsultatu lege oharra