BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Plaza Biziberritzen (2020)

Saioa

2020-06-10 Online Berezia

Gai-jartzailea

Agirre, Amaia

Bertsolariak / Egileak

Abarrategi, Peru

Alkaiza, Saioa

Arzallus, Maddalen

Barroso, Odei

Elortegi, Ander

Lana

Bosnaka gaia-emanda

Jarritako gaia

Bertsolaritzan txapeldunaren figura da ziurrenik esanguratsuena. Baina txapelak era askotakoak izan daitezke, eta askotan azpian daramana nolakoa den ere adierazten dute. Beraz, gaurko agurretan nolakoak zareten esan beharko diguzue: horretarako banan-banan etorri eta txapel bat aukeratuko duzue lehendabizi: jantzi buruan, eta hasi kantuan!

Gaiari oharrak

(Bakoitzak txapel mota desberdina hartzen du kanturako. Odeik igerilekuko txanoa, Saioak txirrindulari kaskoa, Anderrek toreatzaile montera, Peruk poliziarena eta Maddalenek sorginarena. )

Deskribapena

Doinua

Sorlekua utziz geroz

Neurria / Estrofaren izena

Zortzikoa, handiaren moldekoa, 4 puntuz (hg) / Lau puntukoa, handiaren moldekoa (ip)

Bertso kopurua

5

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2020-06-10 Online Berezia [Bertsoa] / Peru Abarrategi, Saioa Alkaiza, Maddalen Arzallus, Odei Barroso, Ander Elortegi

Neurria:  Zortzikoa, handiaren moldekoa, 4 puntuz (hg) / Lau puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 

---

O. Barroso
Hau jantzi eta nor naizen
ez leike errex kalkula
baina aurten aurkitu dut
bizirauteko formula
txanoa jantzi, piszinara joan
ta ez naiz irtengo sekula
nonbait entzun dut kloroak berak
birusa akatzen dula.

S. Alkaiza
Txirrindua gainera igo
beharra dugu tarteka
errotondara iritsiz
nabil buelta eta buelta
irabazlea ez naiz ta hala’re
jarraitzea daukat meta
bertsolaritza eta bizitza
da fondoko lasterketa.

A. Elortegi
Zezenketaren munduak
kritika du merezita
eta hau ridikuloa
hona gorantz ikusita
kuarentena hontan etxean denok
izan dugu kriston pinta
toreroaren itxurarekin
beti pijama jantzita.

P. Abarrategi
Ni berriz uniformedun
hori utzi nahi dut klaro
kalean zehar gu bakarrik
sentituz horren arraro
zelatarian paperarekin
pixka’t nekatuta nago
jarri ditugu sekula baino
multa askozaz gehiago.

M. Arzallus
Ni konjunto etorri naiz
ez al da sorginkeria?
Azken finean sorgin bat
delako bertsolaria
diferentzi bat badago baina
eta gainera haundia:
makilik gabe eta hitzekin
egiten dugu magia.