Bertsoak - Fitxa ikusi   Atal honi buruz gehiago jakiteko

2020-06-13 Andoain Jaialdia [Bertsoa] / Miren Amuriza, Andoni Egaña

Bertsoa entzun  

Informazio orokorra

Kategoria
Bat-batekoa
Saioa
2020-06-13 Andoain Jaialdia
Gai-jartzailea
Ormaetxea, Unai
Bertsolariak / Egileak
Amuriza, Miren
Egaña, Andoni
Lana
Binaka gaia-emanda
Jarritako gaia
Mendira elkarrekin joan zareten bi lagun. Andoni askotan joaten da mendira eta Miren gutxitan. Mirenek denbora hartzen du bazterrak ikusi, argazkiak atera... Andoni desesperatzen hasi da.

Deskribapena

Doinua
Igaran egun batez
Neurria / Estrofaren izena
Zortziko txikia (hg) / Lau puntuko txikia (ip)
Bertso kopurua
8

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2020-06-13 Andoain Jaialdia [Bertsoa] / Miren Amuriza, Andoni Egaña

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

A. Egaña
Ni beti aurreraka
noa ttirri-ttarra
Hara horko moxala
ta hango lizarra
begiratu ze berde
daukagun belarra!”
Nik gaztea dirudit
ta zuk berriz zaharra.

M. Amuriza
Arnasa hartu eta
izerdia xuka
zu berriz zigarroai
zupa eta zupa
gelditu naiz ta nabil
kamerai musuka.
Alde hortik argia
kentzen didazu ta!

A. Egaña
Hara ze esan didan
hain lagun kuttunak
berekin pasa leizke
gau eta egunak
objetibo argiak
nere itzalez junak
argirik ez du galtzen
lehendik’e ez dunak.

M. Amuriza
Mendia bizi dugu
gu biok desberdin
zuk arin joatea
duzunez atsegin
joan tontorreraino
gailurra ager dedin
ta goitik behera niri
argazki bat egin.

A. Egaña
Ni gorantz joango naiz
triliri-tralara
baina aizu mendira
etorriak gara
zure argazkirako
pantano bat hara!
Ai ez zuk egindako
hanka zuloa da.

M. Amuriza
Hanka zulo bat dago
lokatzez hustua
zuk berriz orguiloa
hazia, puztua
hain arin joateko
hau nire juzkua:
norekin egin duzu
Andoni apustua?

A. Egaña
Neure buruarekin
alajaungoikua!
Badago arau on bat
arau mendikua
gaur apurtuko degu
ta bada nahikua
lauetan egitean
hamaiketakua.

M. Amuriza
Bokadiloa duzu
motxila horretan
ta nik presarik bape
ez gaurko honetan
zeure buruarekin
apustu ta obretan
ia beti irabazle
ta beti zorretan.

Datu-base honetan eskainitako informazioari buruz jakiteko, kontsultatu lege oharra