BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Zapla! Bertsolari Gazteen Zirkuitua (2021)

Saioa

2021-06-18 Zarautz Berezia

Gai-jartzailea

Aizpurua, Maite

Bertsolariak / Egileak

Arana, Oihana

Lana

Bakarka gaia-emanda

Jarritako gaia

Bertsolariak ihes egin behar izaten dio bere egoera animikoari. Egun txar bat izan dezake eta plazara kantura azaldu. Baina triste badago bere alderik alaiena erakusten saiatuko da normalean, ezta? Zure egoera animikoari ihes egin gabe, zer moduz zaude Oihana?

Deskribapena

Doinua

Haizea dator ifarraldetik

Neurria / Estrofaren izena

Hamabiko handia (hg) / Sei puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2021-06-18 Zarautz Berezia [Bertsoa] / Oihana Arana

Neurria:  Hamabiko handia (hg) / Sei puntuko handia (ip) 
Kokapena:  XDZ - Xenpelar Dokumentazio Zentroa 

---

Bizitzan gorri tokatzen dira
makina bat semaforo
eta kotxeak harrapa ez zaitzan
ibili behar da al loro
nik ahal dela bertan uzten dut
sano zebra-bide oro
ta ni neu zaintzen saiatu ohi naiz
nola ez naiz ba jagongo?
Ba oporretan beharko nuke
baina mahaian bi ukondo
eskerrik asko galdetzearren
nahastuta, baina ondo.

Gaur ziur nentorren ta jantzi ditut
sandaliak eta gona
leku ederrari eman nahi nion
nere hitza, nere forma
utzi nahi nuen nere umorea
ta nere alde sakona
txaloa baita gureak moduko
zain jonkien metadona
eta neretik uztera nator
noski ez da inongo broma
bada garaia bilakatzeko
pertsonaia ja pertsona.

Baina bizitza eta egia
bihurtzen dira problema
neurria eta errima dira
plazer-bide ta kondena
begira zeinen ziega polita
den bertsolariarena
esku batean txaloa eta
beste eskuan zoramena
ze nahiz ondo egon ta ondo egin nahi
faktoreak dauka dema
beti ez da iguala nik nahi nukeena
eta ateratzen dena.