Bertsoak - Fitxa ikusi Atal honi buruz gehiago jakiteko
2022-10-02 Gasteiz Txapelketa [Bertsoa] / Xabat Galletebeitia, Haritz Mujika
| Bertsoa entzun |
2022-10-02 Gasteiz Txapelketa [Bertsoa] / Xabat Galletebeitia, Haritz Mujika
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
X. Galletebeitia
Hiri berdea dugu aspaldi
gure bizileku zoru
auto zahar hau maite genuen
hondatu da halamodu.
Ezinbestean ordezkoren bat
aurkitu behar diogu
ta Mercedesek justo ekoizpen
katea handituko du!
H. Mujika
Ustekabean izorratu da
etxeko Opel Corsita
baino gaitzerdi pisua degu
guk plazari itsatsita!
Zertarako da Mercedes Benz bat?
Hobe ibili jauzika!
Beste era baten molda gaitezke
hiri erdian bizita!
X. Galletebeitia
Baina hiria beti da hiri
kaltea zein bertutea
etxean, Haritz, aurreztea da
zure ohiko buklea.
Hala ere Opel Corsak bete du
bere hogeigarren urtea
gauza bat dugu zuhurra izatea
eta beste bat kutrea!
H. Mujika
Baina garraio publikoa ere
ederra dauka Arabak
ta bizikletaz pasa litezke
hiribueltako lautadak
utzi kotxea jantzi txandala
ta jarri sasoian, Xabat!
Hondamenditik beti atera
bailiteke aukera bat.
X. Galletebeitia
Hondamendia kotxeak dauka
seguru ta atestatu
lanera nola joango garen
zerk behar dun ordezkatu
zugandik noski espero nuen
eta ezin naiz kezkatu
ta neure kasa erosten badut
baietz gero zuk eskatu!
H. Mujika
Keba, ez Xabat, niri ez eskatu
gidatzen hasi nadila
bateko dela depositua
ta zulatu den gurpila!
Baino hori bai zuk ekartzea
litzateke borobila
lana seiretan bukatuko det
eta pasa nire bila!
Datu-base honetan eskainitako informazioari buruz jakiteko, kontsultatu lege oharra