Bertsoak - Fitxa ikusi Atal honi buruz gehiago jakiteko
2022-10-22 Elizondo Txapelketa [Bertsoa] / Joanes Illarregi, Agin Laburu
Bertsoa entzun |
2022-10-22 Elizondo Txapelketa [Bertsoa] / Joanes Illarregi, Agin Laburu
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
J. Illarregi: Doble filan jarri ta
kafe bat hartuta
A. Laburu: turnoa behar baita
hasi eta buka
J. Illarregi: lotsarik ez dugula
ezin da izkuta
A. Laburu: alperrak izatea
ez da gure kulpa.
A. Laburu: Horrela jaio ginan
mundu honetara
J. Illarregi: ta hala joan gara
bertatik bertara
A. Laburu: polizia ez dena
irakaslea da
J. Illarregi: bonbero izateko
alferregi gara.
J. Illarregi: Kotxearen kapoan
ipurdia jarri
A. Laburu: eta kontu polittak
kontatu elkarri.
J. Illarregi: Nagusia heldu da ta
ipurdia larri
A. Laburu: baino bera ere hola
egoten da sarri.
A. Laburu: Guk ere baitiogu
hari ikasia
J. Illarregi: soldata ezer egin
gabe irabazia
A. Laburu: nik ere izan nahi det
nere nagusia
J. Illarregi: poliziak herrian
a ze garrantzia!
J. Illarregi: Hiru zerbezarekin
heldu da gugana
A. Laburu: eta tokatu zaigu
kriston panorama
J. Illarregi: ze nolako mozkorra
gainean daukana!
A. Laburu: Lasai, nagusia da
ez da zure ama.
A. Laburu: Harreman ona degu
nagusiarekin
J. Illarregi: beti edaten gabiltz
ekin eta ekin
A. Laburu: eta hor datorrenez
zerbeza horrekin
J. Illarregi: proba egin dezagun
alkohol probarekin.
J. Illarregi: Ea zeinek ematen
duen gaur gehiago
A. Laburu: apustu kontuetan
ni ohituta nago
J. Illarregi: hortan’e nagusia
gainetikan dago
A. Laburu: harrek whiskitik ere
egiten du trago.
A. Laburu: Beraz juango gera
danok berehala
J. Illarregi: gure kuartelillora
afaltzera hala
A. Laburu: kuadrilla ona gera
ta beraz normala
J. Illarregi: azken tragoa berak
ordaindu dezala.
Datu-base honetan eskainitako informazioari buruz jakiteko, kontsultatu lege oharra