Bertsoak - Fitxa ikusi Atal honi buruz gehiago jakiteko
2022-11-12 Durango Txapelketa [Bertsoa] / Saioa Alkaiza, Beñat Gaztelumendi
| Bertsoa entzun |
2022-11-12 Durango Txapelketa [Bertsoa] / Saioa Alkaiza, Beñat Gaztelumendi
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
S. Alkaiza
Besteen begira galdera ikurra
baino ez da aktorea
asko ikasi nun, teknika daukat
zorrotza ta dotorea.
TikTok, Facebooka edo Twitterra
ez nago bertan gordea
erakusleiho izan liteke
preso hartzen gaitu ordea.
B. Gaztelumendi
Preso hartu arren ni beti nabil
produktoreen esaneko
beti zeozer komentatzeko
beti zerbait esateko!
Facebook, Instagram eta TikToken
bateko eta besteko
beste oholtza bat baino ez dira
aktoreak izateko.
S. Alkaiza
Estadoetan ze egoera!
Zer da lanaren kartzela?
Fokupea da beti epai bat
baina epai bat ustela!
Pantaila handian erakutsi dut
kapaza naizela bela
zeluloidean egin dudana
baloratu dezatela.
B. Gaztelumendi
Baina mundua ez doa horrantz
egin zaidazu mesede
sare sozialek gaur egin dute
kaleak beste botere.
Horrenbeste troll ta txiolari
edozein jartzeko berde
hemen paper bat jokatzen baitu
aktore ez denak ere.
S. Alkaiza
Papera edonork jokatu ohi du
gidoian tenkatuz soka
“Twitterren egin” esaten dute
ta sentitzen naiz itota
intsumisoak izan behar gara
ta ez nabil adar joka
sortzaile batek beti egiten du
korronte handien kontra.
B. Gaztelumendi
Baina korronte haundi xamarra
dugu lehengoen aldean
ni saiatzen naiz beti ibiltzen
zeozer jartzen alean
zuk nahi baduzu zure ekarpena
egin ezazu kalean
nik fokupean jarraituko dut
ta zuk nire itzalean.
Datu-base honetan eskainitako informazioari buruz jakiteko, kontsultatu lege oharra