BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (18. 2022)

Saioa

2022-11-12 Durango Txapelketa

Gai-emailea

Ezenarro, Ane

Bertsolariak / Egileak

Gaztelumendi, Beñat

Soto, Julio

Lana

Binaka gaia-emanda puntutan

Jarritako gaia

Beñat eta Julio hurrengo fasera pasatzeko lehian dauden bi bertsolari zarete. Faseko azkeneko saioa da gaurkoa eta publikoan zaudete elkarren ondoan. Aurkezlea aktaren zain dago.

Deskribapena

Doinua

Mendiko umea naiz

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

8

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2022-11-12 Durango Txapelketa [Bertsoa] / Beñat Gaztelumendi, Julio Soto

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

B. Gaztelumendi
Hau da giro tristea!
Hau da saio txarra!
J. Soto
Nik uste daukatela
hobetu beharra!
B. Gaztelumendi
Nundik atera da hain
kuadrilla baldarra?
J. Soto
Gaztelumendi flojo
ta eskas Bizkarra.

J. Soto
Ta Mendiluze ere
espero nun gehio.
B. Gaztelumendi
Hona etorri ez balitz
igual berak nahio.
J. Soto
Haserako agurretan
denek “Gaur zer saio!”
B. Gaztelumendi
Saioa nahiko luze
nunbait egin zaio.

B. Gaztelumendi
Gaztelumendi hori
bai dela zozoa!
J. Soto
Bertso edarrak baino
ez mamiz osoa!
B. Gaztelumendi
Ez dakit nora duen
hark zuzentzen soa.
J. Soto
Gaur hoberena Soto
ze graziosoa!

J. Soto
Baina bueno ez pentsa
hori ere justu.
B. Gaztelumendi
Ez dela pasatuko
egin det apustu.
J. Soto
Zazpiehun puntu ezetz
lehenengoak hustu.
B. Gaztelumendi
haien ametsak baietz
gaurkoan zapuztu!

B. Gaztelumendi
Ta Saioa Alkaiza
ondo hasi da baina
J. Soto
nik uste, uste zula
ote zen Egaña.
B. Gaztelumendi
Hori nahiko dotore
joan zaio alajaina!
J. Soto
Ez du nahi bezela gaur
dantzatu mingaina.

J. Soto
Nafarroko finala
egin zun edarra
B. Gaztelumendi
Juliok zeukan pixka’t
hobetu beharra!
J. Soto
Suerte txarrak ekartzen
du halabeharra
B. Gaztelumendi
baina ez da izaten
soilik suerte txarra.

B. Gaztelumendi
Baina Juliorekin
ez dezagun segi
J. Soto
Eñaut bere taberna
ta sagardotegi
B. Gaztelumendi
inoiz ez da egoten
isilik ta geldi!
J. Soto
Gu pasatuko gara
ta halare gaitzerdi.

J. Soto
Baino heldu da eta
kantatu dezala!
B. Gaztelumendi
Idazkaria ere
joan denez hala
J. Soto
Brum! Brum! Brum! Tanbor hotsak
puntuak ta ala!
B. Gaztelumendi
Ospa dezagun lortu
bagenu bezala.