BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (18. 2022)

Saioa

2022-12-18 Iruñea Txapelketa 11:00

Gai-emailea

Zaldua, Ion

Bertsolariak / Egileak

Ibarzabal, Nerea

Illarregi, Joanes

Lana

Binaka gaia-emanda

Jarritako gaia

Aspaldiko ezagunak zarete Nerea eta Joanes. Gaztetan ez zineten batere ondo konpontzen. Orain, zuen seme-alabak ikasgela berean daude, eta oso lagunak dira. Denbora asko eman behar izaten duzue elkarrekin.

Deskribapena

Doinua

Nere senarrarekin I

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2022-12-18 Iruñea Txapelketa 11:00 [Bertsoa] / Nerea Ibarzabal, Joanes Illarregi

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

N. Ibarzabal
Banatuz bokadillo
ta mahaiko platerak
banatuz oporraldi
portal, eskailerak
ze ondo laguntxo bat
hautatu du berak
ederrak bizitzako
bigarren aukerak. (bis)

J. Illarregi
Gaztegotan izanak
elkarrentzako gaitz
zorionez banandu
ginen eta garaiz
parkean, patioan
tokatzen gara maiz
orain dejabu txar bat
izaten ari naiz. (bis)

N. Ibarzabal
Umeetan ez geneukan
diskusio faltik
ez zenidan ematen
bokadillo batik
zurea jatorra da
badakit zergatik
zure bikotearen
genetikagatik. (bis)

J. Illarregi
Nerea ta zurea
elkarren laguna
ustez egiten dute
bikote txukuna
nik erakutsia du
hark gizatasuna
justu zure ttikiak
pixka’t falta duna. (bis)

N. Ibarzabal
Hori esaten al duzu
orain ni mintzeko
edota gauza denak
argi ipintzeko?
Nik beti agintzen diot
bera da hitzeko
zure etxeko komuna
ondo zikintzeko. (bis)

J. Illarregi
Ta sarritan etxean
hori da gertatu
bera hemen lotara
delako geratu
gehiotan etor bedi
Nerea, barkatu
hemen ikasiko du
nola konportatu. (bis)