Bertsoak - Fitxa ikusi   Atal honi buruz gehiago jakiteko

2022-12-18 Iruñea Txapelketa 17:00 [Bertsoa] / Alaia Martin

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (18. 2022)
Saioa
2022-12-18 Iruñea Txapelketa 17:00
Gai-emailea
Rekondo, Alaitz
Bertsolariak / Egileak
Martin, Alaia
Lana
Bakarka gaia-emanda
Jarritako gaia
Gobernuz Kanpoko Erakunde (GKE) bateko kide zara. Gazara bidean zoaz bi
hilabete pasatzera, bertako haurrekin lan egitera.

Deskribapena

Doinua
Egunsenti batean
Neurria / Estrofaren izena
Hamaseiko handia (hg) / Zortzi puntuko handia (ip)
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2022-12-18 Iruñea Txapelketa 17:00 [Bertsoa] / Alaia Martin

Neurria:  Hamaseiko handia (hg) / Zortzi puntuko handia (ip) 
Kokapena:  XDZ - Xenpelar Dokumentazio Zentroa 


Umeen lanbidea
ez al da jolasa
libre hitz egitea
ta hartzea arnasa
haziz haziz joatea
goxo euren kasa?
Baina batzuei antza
ezin zaie pasa
pixkana zabalduaz
Pandoraren kaxa
odolez zikindu da
munduko atlasa
baina ohartuz gero
begitan dut gatza
munduko zaurietan
minena da Gaza. (bis)

Ukrainako gerra
soilik al da txarra?
Gazakoari jeitsi
al zaio aparra?
Han erabaki dena
baita militarra
ta umeak dabiltza
izu ttirri-ttarra.
Hargatik auspotuaz
aipu irlandarra
eurengan jarri nahi dut
mimoa, indarra
lurra ez dadin izan
bakarrik bi marra
ta mendeku izan dadin
euren irriparra. (bis)

Gobernuek itxita
bide eta aho
esku-hartzea haiengan
ze gauza arraro!
Laguntza ta mezurik
haientzat ez dago
nahiz ta gerra luzatu
litekeen luzaro
nik daukadan onena
baitut eramango
animo faltsurikan
ez diet esango
hegazkintxo batean
naiz hara joango
ta bueltakoan ez naiz
berdina izango. (bis)

Datu-base honetan eskainitako informazioari buruz jakiteko, kontsultatu lege oharra