BDB Bertsolaritzaren datu-basea

Informazio orokorra

Kategoria

Bat-batekoa

Saioa

2022-02-11 Ordizia Lagun-artekoa

Gai-jartzailea

Eguren, Igor

Bertsolariak / Egileak

Ibarzabal, Nerea

Zubeldia, Iker

Lana

Binaka gaia-emanda

Jarritako gaia

Orain hilabete batzuk euskarari eta bertsolaritzari egindako ekarpenagatik eta Emaneurre taldearen iniziatibaz, Ordiziako Andra Mari kalean, tabernen aurrean, Lazkao Txikiren irudia edo murala egin zen. Baina, badakigu historiak bere bueltak dituela eta egin beharreko bueltak gainera, eta Ordiziako Koordinakunde Feministak eskaera egin du. Lazkao Txikiren irudia dagoen bezala, Nerearena ere aurreko paretan jartzeko. Irudi hori pareko horman jarriko dela pentsatuz, aurrez aurre jarriko ditugu Nerea eta Lazkao Txiki.

Deskribapena

Doinua

Igaran egun batez

Neurria / Estrofaren izena

Zortziko txikia (hg) / Lau puntuko txikia (ip)

Edukiari buruz

Pertsonak

Iztueta, Joxe Miel "Lazkao Txiki"

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2022-02-11 Ordizia Lagun-artekoa [Bertsoa] / Nerea Ibarzabal, Iker Zubeldia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Zubeldia
Ze-nolako sorpresa
hau da abelera!
Oraindik Ordizian
bizi da euskera.
Joxe Migel ekarri
dute paretera…
Ni Lazkao Txiki naiz
eta zu zein zera?

N. Ibarzabal
Nik ere bota ditut
maiz bertso argiak
irabazi txapelak
kopak ta sariak.
Izanagatik txiki
edo nabariak
gizonentzako beti
pareta handiak!

I. Zubeldia
Hor marraztu zaituzte
buru eta lepo
ni ere hemen negon
osorik, konpleto.
Zure abildadekin
harritu naiz seko
ondo kantatzen dezu
neska izateko!

N. Ibarzabal
Neskek jartzen diogu
honi pasioa
erriman zein neurrian
dugu akzioa.
Zu hil, gero ni jaio
ze amorrazioa!
Ea ote naizen zure
reenkarnazioa.

I. Zubeldia
Hitz hori ez det ulertu
hala´re jo ta su
jarraitu behar degu
eman arte musu.
Engainatu egin nau
engainatu nauzu
bertsolari onen baten
andrea zera zu.
N. Ibarzabal
Nire etxean neu soilik
jaio naiz artista
ez dut jarraitu behar
beste inoren pista
idoloak ezautzea
pena da aldizka
nire irudimenean
ez zinen matxista.

I. Zubeldia
Reenkarnazio matxista
hara, hara, hara!
Eskutatik joanda
ez al dau euskara?
Baina zuri begira
natorre plazara
egunsentia baino
dotoregoa da!

N. Ibarzabal
Piropo zaharkituak
ondo gordeak zuk
buruz dakizkit zure
bertso bikain batzuk
posterra neukan gelan
ta liburuak zut
ta pixka’t bada ere
oindik maite zaitut.