2023-11-18 Santurtzi Txapelketa [Bertsoa] / Txaber Altube, Unai Mendiburu

Unai eta Txaber gurasoa eta semea zarie: Unai, semea eta Txaber, gurasoa. Unai, parrandatik bueltan etxeko atea zabaldu dozunean Txaberrek ate ostetik “gabon” esan deutsu. Zutunik dago, zeuri begira.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2023-11-18 Santurtzi Txapelketa [Bertsoa] / Txaber Altube, Unai Mendiburu

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

U. Mendiburu
Atea zabaltzeko
nire eginahala
dudan legatzarekin
da kontu normala
eta “Gabon” esan dit
grabea bezala
zu ere etxeratu
berri zara ala? (bis)

T. Altube
Ez, gauerdi ostean
ez naiz etxeratzen
ta lasai inoiz ez naiz
zure zain geratzen
baina nahiz ta nengoen
ametsak gozatzen
ordubete egon zara
atea zabaltzen. (bis)

U. Mendiburu
Etxea hau ote zen
nengoen ta larri
baina heldu naiz eta
ja ikaragarri
ona omen zinela
hamaika aldarri
goazen sukaldera ta
bi Gin-tonic jarri. (bis)

T. Altube
Ai ene, Unai, zatoz
dena beharrean
inor ez geratzeko
inoiz ataurrean
giltzak alfonbrapean
ditugu urrean
baina sartzeko utzi
alfonbra lurrean. (bis)

U. Mendiburu
Alfonbra hartzea zen
hasieran okerra
baina behin etxeratu
zelako plazerra
nola sentitzen naizen
juergaren liderra
ama esna dezagun
hasteko afterra. (bis)

T. Altube
Behinola ein nuen zu
sortzeko aukera
amak esaten zuen:
“Txakur bat hobe da”
Bihar bueltauko zara
zerorren onera
har’zazu Cola Cao bat
ta zoaz ohera (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko