Bertsoak - Fitxa ikusi Atal honi buruz gehiago jakiteko
2023-11-18 Santurtzi Txapelketa [Bertsoa] / Bittor Altube
| Bertsoa entzun |
2023-11-18 Santurtzi Txapelketa [Bertsoa] / Bittor Altube
Neurria:
Hamahirukoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Orain artean harreman denak
ein izan zaizkit kartzela
behar izan dut nire denbora
nire leku ta partzela
uda osoan hor ibili naiz
lorerik lore bezela
ta pertsona bat ezagutu ta
nire ondorantz zetorrela
sentimentuak horrela (bis)
gorantz joan zaizkit eta zita bat
izan ta izan da itzela
ez nuen uste ni berarekin
maiteminduko nintzela. (bis)
Eta ordutik bere ondoan
sentitu naiz onuradun
hilabete bat pasa da eta
gabiltz jardun eta jardun
zer gertatzen da orain kolpetik
ahaztu nauzula demagun
ni ez nintzake gustora egongo
ez naiz buruaren lagun
zentzu batean alargun (bis)
aurrerantz goaz apurka eta
ja ez garenez ezagun
pixka batean eseri eta
biok hitz egin dezagun. (bis)
Ja hitzordua jarri dugu ta
hara joatea hurrena
nahiz iruditu momentu hontan
hark dioena problema
hori guk dugu azken finean
maiteminak dakarrena
nahiz ta ez gura onartu behar
da besteak dioena
ta biontzako onena (bis)
bere ondoan eseriko naiz
ta esan behar diot dena
behintzat lasaitu beharko naiz
behin hustu ostean barrena. (bis)
Datu-base honetan eskainitako informazioari buruz jakiteko, kontsultatu lege oharra