Bertsoak - Fitxa ikusi Atal honi buruz gehiago jakiteko
2024-12-14 Donostia Txapelketa [Bertsoa] / Andoni Rekondo Izagirre
| Bertsoa entzun |
2024-12-14 Donostia Txapelketa [Bertsoa] / Andoni Rekondo Izagirre
Neurria:
Hamahirukoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Hitzez jasota elkarbanatu
nahi genuenez jakintza
gure herrian zabaldu nahian
hitzezko eguzki printza
batzuentzako presentea da
hain beltza ta hain bortitza
elkarrizketak hamaika egin
ditut kazetaritza gisa
ta gaur mudatu zait hitza (bis)
Palestinatik etorritako
batzuk Hernanin dabiltza
eta guztia zartatzeko gai
da tokiko kazetaritza. (bis)
Lehen kafea atera diet
eta giroa aparta
ia isildu ere egin da
tabernako zalaparta
Palestinako berri zakarrak
berekin mina dakar ta
orain artean nahiz ta ikusi
herrian mila pankarta
beti bezela zeharka (bis)
begiradakin sumatu ditut
laguntzari deiadarka
eta lehen aldiz jarri zaizkit gaur
neri eskuak dardarka. (bis)
Nere hunkidura zer da hemen
hipokresia, gezurra
nor izan da ba tarte honetan
euren ametsen lapurra?
Gaur hitz eginda nahiz ta geroa
eurek ez izan ziurra
neri bederen blaitu begiak
eta sikatu zintzurra
hitzek bihotz mintza urra (bis)
nahiz eta hitzok ematen duten
benetan diot: beldurra.
Reportajean emango diet
nik dezakedan apurra. (bis)
Datu-base honetan eskainitako informazioari buruz jakiteko, kontsultatu lege oharra