2024-09-28 Hondarribia Txapelketa [Bertsoa] / Maddi Aiestaran Iparragirre, Oier Aizpurua Olaizola

Aspaldiko partez kirol pixka bat egitea erabaki duzue, eta palan jokatzeko geratu zarete. Inguruan dituzuen sei pilotaleku pasa dituzue, eta denak okupatuta daude.

Deskribapena

Doinua

Behin batean Loiolan III

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2024-09-28 Hondarribia Txapelketa [Bertsoa] / Maddi Aiestaran Iparragirre, Oier Aizpurua Olaizola

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

O. Aizpurua
Tabernan egin gendun
lehen propaganda
gaurko eguna gendun
palarako txanda
sei frontoi pasa dira
ezin pasa langa
destinua gaurkoan
laguna izan da. (bis)

M. Aiestaran
Dirudi ez zaizula
gehiegi inporta
begirada diozu
patuari bota
lehen ez gara palan
ibili asko ta
igual hasi gaitezke
horma baten kontra. (bis)

O. Aizpurua
Horma batekin hasi
nolako sasoia
ez zait gustatzen baina
zure arrazoia
tabernan itxoiteko
hobeto nago ja
ez det uste libratzen
zaigunik frontoia. (bis)

M. Aiestaran
Eskuratu nahi nuke
nahikoa bertute
herrian egin diren
txapelketen truke
nik bai Gabirikoa
probatuko nuke
baina lehentasuna
herritarrek dute. (bis)

O. Aizpurua
Gabirian badago
nahikoa ezagun
ziur palan primeran
zaizkigula jardun
kaña bat hartuz bertan
gaudela demagun
eta onenengatik
ikasi dezagun. (bis)

M. Aiestaran
Ze pena egin behar
tabernara buelta
bizitza halakoxea
baitugu tarteka
berriz hementxe gaude
ez zen libre eta
nik Oier betikoa:
mosto ta kroketa. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko