2024-11-03 Tolosa Txapelketa [Bertsoa] / Maider Arregi Markuleta, Aitor Tatiegi

Maider Aitorren musika irakaslea izan zinen urteetan. Talde bat egin duela eta lehen kontzertura gonbidatu zaitu. Oso txarrak iruditu zaizkizu. Kontzertua amaitu da, eta Aitor ilusioz dator zugana.

Deskribapena

Doinua

Durangotik gorako

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2024-11-03 Tolosa Txapelketa [Bertsoa] / Maider Arregi Markuleta, Aitor Tatiegi

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

M. Arregi
Batek bonboa eta
besteak txindata
beraien kontzertua
zakurraren kaka!
Nigana ilusioz
hurbilduko da ta
barka zaidazu nere
disimulo falta.

A. Tatiegi
Hasi aurretik egin
dugu erritoa
nahiz bolumenez baju
zegoen mikroa
zakurraren kaka da
izen tipikoa
taldea bezelaxe
neurri-neurrikoa. (bis)

M. Arregi
Aitor bazenekien
zuk musika zer den
eta etortzen zinen
ilusioz lerden
baina a ze txapuza
egin duzun hemen
nere klaseetan zer
ikasten zenuen? (bis)

A. Tatiegi
Solen ikurra egin
behar zela hala.
Oraindik egiten dut
zuk esan bezala
kontzertua izan da
ona, mundiala
horrelakoa ez al zen
rock erradikala? (bis)

M. Arregi
Nik ez dakit zer egin
negar edo barre
edo zure aurrean
sentitu hasarre
rock erradikalakin
a ze akelarre!
Hor ere inoiz ez dira
berdin sol eta re. (bis)

A. Tatiegi
Ez natzaizu hasiko
azalpenen eske
niretzat loria da
zuretzako peste
kontzertuak ditugu
Cicatrizek beste
koroak egitera
etorri zaitezke. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko