Bertsoak - Fitxa ikusi Atal honi buruz gehiago jakiteko
2025-08-07 Gasteiz Jaialdia [Bertsoa] / Beñat Gaztelumendi
2025-08-07 Gasteiz Jaialdia [Bertsoa] / Beñat Gaztelumendi
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Egunkariak ikusi ditut
Arriagako atean
munizipalak manteroekin
bortxaz eta jo ta kean
Bilbon pasatu dena pasatu
liteke edozein partean
errugabeak hala tratatzen
gara tartean-tartean
lapur haundiak kaleetan lasai
ari diren bitartean.
Berdin diskoak, berdin pultserak
milaka produktu klase
behar duenik baldin balego
salduko nion belaxe
nahiz ta beroa eta euria
kalean izan oinaze
soilik nahi badut sakelak bete
edota sabela ase
zergaitik hartzen ote gaituzte
gaizkileak bezalaxe?
Esan didate Europa dena
ipini dela antzeko
eskubideen bilakaera
beti aurrekoz atzeko
Osakidetza edo jardinak
hainbat gauza konpontzeko
agintariek ordea beren
errespetuak ontzeko
pagaburuak behar gaituzte
kulpa guri botatzeko.
Hala ‘re dena ezin dugunez
hain su bajuan egosi
nahiz eta batzuk nahi liguketen
errua guri egotzi
berdin oinezko zein kulturzale
gazte edo zinegotzi
bizimodua ateratzeko
ametsa ezin da ehortzi
beraz etorri guregana ta
ahal duzuena erosi.
Datu-base honetan eskainitako informazioari buruz jakiteko, kontsultatu lege oharra