Bertsoak - Fitxa ikusi Atal honi buruz gehiago jakiteko
1979-12-30 Gernika-Lumo Txapelketa 11:30 [Bertsoa] / Xabier Amuriza
Bertsoa entzun |
1979-12-30 Gernika-Lumo Txapelketa 11:30 [Bertsoa] / Xabier Amuriza
Kokapena:
XDZ - Xenpelar Dokumentazio Zentroa
Galtzak soinean euki ezinik
hemen dator Amuriza
testigu zuek zarete eta
Gernikan dagon haritza
Euskal Herria, zuretzako da
nire juramentu hitza
badakizunez heriotzatik
argira hortxe gabiltza
zu askatuta ikusi arte
emango dizut bizitza.
Juramentuak ez du ezertxo
obrarik gabe balio
euskaldun bati bere odola
ta indarra eskatzen zaio
zer aurrerapen, zer tresna berri,
zer zientzi ta arraio!
Gizaki bati bere pultsua
askatasunak damaio
esklabo bizi garen mundura
hobe zen basurde jaio.
Hitz egitean zin egin dugu
bakoitzak badaki nola
nire arima oraintxe dago
esperantza dariola
juramentua egiten dizut
oi Gernikako arbola!
Gure herria ez dala hilko
ezpatapean inola
hortako behar banauzu hemen
daukazu nire odola.
Datu-base honetan eskainitako informazioari buruz jakiteko, kontsultatu lege oharra