Bertsoak - Fitxa ikusi Atal honi buruz gehiago jakiteko
2006-06-17 Arrasate Jaialdia [Bertsoa] / Iratxe Ibarra
| Bertsoa entzun |
2006-06-17 Arrasate Jaialdia [Bertsoa] / Iratxe Ibarra
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Urte haietan odol ugari
ta ugariago mina;
kontau eustien edo ein eben
horretako ahalegina.
Orduz geroztik gure historia
ez da izango bardina
eta gauza bat badot barruan
sortzen deustana samina:
beste hainbeste gazten moduan
zu ezagutu ezina.
Gure artean be ez zan izan
garai haretan bakerik
eta herriko famili asko
gelditu zan apurturik.
Halan da guztiz zuk ez zenduan
izan ezeren errurik
baina zelako ondorioak
holako hainbat gertakarik:
ama lotu zan erdi umezurtz
ta ni historia barik.
Ni ez naz izan igual zugana
ama lez horren gertuko;
harek zenbat min sortu eban han
nire ama da lekuko.
Baina aurrera jo behar dogu
ez gara ez kikilduko.
Harriak berak aitortu deutsu
nik hau kantatu orduko
gure herriak sekula santan
ez zaituela ahaztuko.
Datu-base honetan eskainitako informazioari buruz jakiteko, kontsultatu lege oharra