Bertsoak - Fitxa ikusi Atal honi buruz gehiago jakiteko
2007-09-07 Zarautz Sariketa [Bertsoa] / Unai Muñoa
2007-09-07 Zarautz Sariketa [Bertsoa] / Unai Muñoa
Neurria:
Hamabiko handia (hg) / Sei puntuko handia (ip)
Kokapena:
XDZ - Xenpelar Dokumentazio Zentroa
Ezin egonaz urduri nago
erabaki bitartean
burruka daukat indarra eta
kontzientziaren artean
baina pausoa eman ezean
izan liteke kaltean
zergatik nauka nere buruak
hola loturik katean?
Kezkaz betea eta sufritzen
nago logelan atean;
barruak lehertzen zaizkit amaren
garrasiak entzutean.
Nere aitaren eskumuturrak
bere horretan dihardu:
masailean jo karraisi egin
ta papel guztiak galdu.
Urtetan zehar egia esan
ez da portatu ondradu
familiari inoiz ez dio
eta bihotza zabaldu.
Amak lehenbailehen beharko luke
aldamenetik bialdu
baina bakarrik ezin du eta
nere laguntza behar du.
Goizean jeiki ubelduekin
besarkatzen nau astiro
pentsatu ohi dut "Aita ziztrinak
merezi ditu bi tiro!"
baina pausorik eman ezinez
hori pentsatu aldiro
sentimentuak borborka dauzkat
beldurra burura igo
baina atea zeharkatzeko
badut nahikoa motibo.
Hau bukatu da, ama banoa
ez du egingo berriro.
Datu-base honetan eskainitako informazioari buruz jakiteko, kontsultatu lege oharra