Bertsoak - Fitxa ikusi Atal honi buruz gehiago jakiteko
2008-08-30 Ataun Jaialdia [Bertsoa] / Aitzol Barandiaran, Andoni Egaña
| Bertsoa entzun |
2008-08-30 Ataun Jaialdia [Bertsoa] / Aitzol Barandiaran, Andoni Egaña
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Barandiaran: Ondo ezagutzen det
horroko kopeta!
Baratzara sartu zait
indarrez beteta.
Mekaguen la letxe
kaguen la puñeta!
Maritxu esnau eta
ekarri eskupeta! (bis)
A. Egaña: Ehun milioi eskeiniak
nere txaletari.
Tomateak nahi nitun
orain bat edo bi.
Aitzol haserrealdian
ez zaitez erori
ona gustatzen zaidan
seinale da hori. (bis)
A. Barandiaran: Haseratik honekin
ni ez nintzen fio
ta harrapatu zaitut
ene Antonio.
Enpresan zu lapurtzen
zabiltza serio
baina horrek Ataunen
ez dizu balio. (bis)
A. Egaña: Enpresako kontuak
hobe degu laga
CAFen izaten ditut
majina bat karga!
Maritxu esan dezu
jatorra da hara!
Eta txakurra berriz
txikiegia da. (bis)
A. Barandiaran: Txakur txikia baina
ari da hazitzen
lapurrak harrapatzen
ez baita ibiltzen.
Andoni aberastu
poltsikoa gizen...
Mario Conde ere
horrela hasi zen. (bis)
A. Egaña: Tira egiten zidan
ondoko baratzak:
tomateak zeuzkaten
ederrak ta latzak.
Orain hartuak dizkit
Mario Conden antzak...
Gominaik ba al daukazu
nire ileantzat? (bis)
A. Barandiaran: Azkar asko pasa du
baserriko langa.
Maritxu hor zegoen
pakean etzanda.
Nahiz eta harrapatu
lapurretan danba!
Gorritu den bakarra
tomatea izan da. (bis)
A. Egaña: Hesola eskuan hartu
ta hurbildu di-da!
Baina haserraldia
joan zaio tira!
Lehen eskura nuena
oraintxe saskira
bota lau-bost tomate
gorritu badira. (bis)
Datu-base honetan eskainitako informazioari buruz jakiteko, kontsultatu lege oharra