Bertsoak - Fitxa ikusi   Atal honi buruz gehiago jakiteko

2008-11-07 Ataun Jaialdia [Bertsoa] / Aitzol Barandiaran

Bertsoa entzun  

Informazio orokorra

Kategoria
Bat-batekoa
Saioa
2008-11-07 Ataun Jaialdia
Gai-emailea
Aramendi, Martin
Bertsolariak / Egileak
Barandiaran, Aitzol
Lana
Bakarka gaia-emanda
Jarritako gaia
Eskuei sarri-sarri begiratzen diezu. Oraintxe ere hala zaude. Zer duzu edo zer dabilkizu esku artean?

Deskribapena

Doinua
Larogeita hamar urte
Neurria / Estrofaren izena
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2008-11-07 Ataun Jaialdia [Bertsoa] / Aitzol Barandiaran

Neurria:  Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip) 
Kokapena:  XDZ - Xenpelar Dokumentazio Zentroa 

Eskua da besoaren
muturrean dan laguna
sarri eman sarri heldu
hori da bere jarduna
merezi baino gutxigo
estimatu ohi deguna.
Begira jarriz hor dago
bai bizitza, maitasuna...
Sarri zabal eukitzen det
eta bilduta hurruna
eskuetan irakurtzen
delako etorkizuna. (bis)

Zerbaiti heldu nahi horrek
badauka nahiko balore
batzutan dena da polit
batzutan dena dotore
baino ez det nahiko ausardi
ni saiatu ohi naiz orde.
Nere eskuak badauka
nahiko balio, ohore...
Zerbaitez seguru banaiz
zergatik bestea gorde?
Zerbait benetan nahi badet
biekin heltzea hobe. (bis)

Azkenen esku bat zer da?
Hezurra eta azala.
Eskumutur bat fin-fina
ta soberan azkazala
baina badu balio bat
beste gauz asko bezala
alde batetik argia
eta bestetik itzala.
Nik luze-luze jarrita
hortxe utziko det hala
eta norbaitek nahi badu
bertatik hartu dezala. (bis)

Datu-base honetan eskainitako informazioari buruz jakiteko, kontsultatu lege oharra