BDB Bertsolaritzaren datu-basea

Informazio orokorra

Kategoria

Bat-batekoa

Saioa

2009-10-03 Iurreta Jaialdia

Gai-emailea

Berriozabal, Maite

Bertsolariak / Egileak

Maia, Jon

Lana

Bakarka gaia-emanda

Jarritako gaia

Andre banandua zara, eta hiru seme-alaba dauzkazu zure kargu. Hasieran langabeziako diruaz moldatzen zinen, baina orain hori ere ez duzu jasotzen. Gaur gauean kalera irten zara, prostituzioa helburu-edo.

Deskribapena

Doinua

Lurraren pean sar nindaiteke

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2009-10-03 Iurreta Jaialdia [Bertsoa] / Jon Maia

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Bizitza bera krudela bada
hau gehiegi ez ote da?
Banandu nintzen ta lana galdu
guztia doa gainbehera.
Beti bizi naiz esperantzetan
baina beti da bezpera
orain gorputza baino ez daukat
kastigatua gainera.
Sentimentuak etxean utzi
eta banoa kalera. (bis)

Azkenaldian ez dakit nola
eraman nere desditxa
bidean zehar galduko nuen
zoriontasunen giltza.
Zer da kalera irten beharra?
Zer da bihotza hain pitza?
Baina ez dakit ama izanik
etxea nola zerbitza
ez nintzateke kalera joango
ama izango ez banintza. (bis)

Nere senarra bihotz-bihotzez
urte luzeetan dut maite
edaten hasi eta kolpeka
hor hasi zitzaidan arte.
Orain guztia itxia daukat
nola bihotz hala ate
bakar-bakarrik denen aurrean
horixe dut nere kalte
eta gainera herrian denek
"Puta" esango didate. (bis)