Bertsoak - Fitxa ikusi Atal honi buruz gehiago jakiteko
2009-12-26 Zumaia Jaialdia [Bertsoa] / Ekhi Erremundegi
2009-12-26 Zumaia Jaialdia [Bertsoa] / Ekhi Erremundegi
Neurria:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Kokapena:
XDZ - Xenpelar Dokumentazio Zentroa
Goizeko seitan etxeko
atea joka nuen entzun
fini zen isiltasuna
baina guztia zen ilun.
Eskuan arma zutela
sartu ziren hainbat lagun
eta ereman ninduten
nere etxetik hain urrun.
Ez dakit ohartu zizten
hau nola izaten dugun:
beti gauez heldu dira
amets egin ez dezagun. (bis)
Lau egun etxetik kanpo
nituen gaizki pasatu
nahiz eta ez ninduten jo
nahiz eta ongi tratatu.
Eneko, Ibai, Gillen ta Xan
zituzten kartzelan sartu
eta geroztik ez ditut
parez pare begiratu.
Amets egitea omen
nahi digute debekatu
baina ametsak ezin dira
presondegietan sartu. (bis)
Hori ekainean izan zen
batzuentzat aspaldi zen
baina zoritxarrez hemen
askotan zaigu gertatzen.
Polizia ikusten da
kaleetatik paseatzen
ez gaituzte utzi nahi
bakean lasai bizitzen.
Nahiz eta saiatzen diren
gure ametsak ezabatzen
guk dena egingo dugu
egi bihurtu daitezen. (bis)
Datu-base honetan eskainitako informazioari buruz jakiteko, kontsultatu lege oharra