Bertsoak - Fitxa ikusi   Atal honi buruz gehiago jakiteko

2010-02-19 Andoain Jaialdia [Bertsoa] / Aitor Mendiluze

Bertsoa entzun  

Informazio orokorra

Kategoria
Bat-batekoa
Saioa
2010-02-19 Andoain Jaialdia
Gai-emailea
Oiartzabal, Joxe Manuel
Bertsolariak / Egileak
Mendiluze, Aitor
Lana
Bakarka gaia-emanda
Jarritako gaia
Duela zenbait urte, herriko gazte batzuen ekimenez eta Larramendi Kultur Bazkunak babesturik, berriz ere martxan jarri zuten bertso eskola Andoainen. Aiurriko* kazetaria zara, eta kronika bat egin behar duzu bertso eskolaren gainean.
Gaiari oharrak
*"Aiurri" Andoain eta Urnietako herri aldizkaria da. 2004tik astero kaleratzen da. Buruntzaldea eta Beterriko beste herri batzuetako informazioa jasotzen du

Deskribapena

Doinua
Baserrian jaio nintzan
Neurria / Estrofaren izena
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2010-02-19 Andoain Jaialdia [Bertsoa] / Aitor Mendiluze

Neurria:  Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip) 
Kokapena:  XDZ - Xenpelar Dokumentazio Zentroa 

Azkena eman zutela
hainbeste urte igaro
dagoeneko ezin zen
agian hori itxaro
baina jendea bertsoak
kutsatua du zeharo
ta zenbaitek gogo hori
eraman nahi du harago.
Herrian bertso-eskola
izan zelako lehenago
gero ere izateko
eman da pauso gehiago.
Galdutzat eman zutenei
nahiz iruditu arraro
noizbait martxan egon zena
berriz ere martxan dago.

Hori da zaletasun ta
gogoaren ondorena
bertsoak herrian daukan
adierazle onena.
Batzuen zaletasuna
gosea eta kemena
hori da taldea berriz
abiarazi duena.
Beraz zerbait emango du
urte batzutan barrena
oraingoz ondo hartzen du
ilusioz datorrena
egitekotan ausartu
egin behar baita aurrena
ta ausartzen den guztiak
badauka gonbidapena.

Oraingo bertso-eskolak
izan zenari segida
zaleak ez daitezela
horren faltan erretira.
Berriz gogoa heldu da
noizbait egon zen tokira
berriz ere nahi diote
lehengo gurdiari tira.
Ojala fruitu berriak
hortik sortuko balira!
Asmo hortan daude behintzat
hauek aurrera begira.
Gaur notizia da soilik
baina onena hori da:
bihar-etziko portadak
hortik etorriko dira.

Datu-base honetan eskainitako informazioari buruz jakiteko, kontsultatu lege oharra