Bertsoak - Fitxa ikusi   Atal honi buruz gehiago jakiteko

2010-12-06 Orio Jaialdia [Bertsoa] / Andoni Egaña, Beñat Gaztelumendi

Bertsoa entzun  

Informazio orokorra

Kategoria
Bat-batekoa
Saioa
2010-12-06 Orio Jaialdia
Gai-emailea
Manterola, Unai
Bertsolariak / Egileak
Egaña, Andoni
Gaztelumendi, Beñat
Lana
Binaka gaia-emanda
Jarritako gaia
Zuetako batzuk gogoratuko zarete, Orion gertatua da. Orain urte batzuk, kultur teknikaririk eta horrelakorik ez zegoenean, festa antolatzaileak bi musika talde deitu zituen, egun berean, ordu berean, toki berean, kontzertua emateko. Hemen daude Egan eta Joselu Anaiak, plazan, beren trasteak deskargatzen.

Deskribapena

Doinua
Behin batean Loiolan I
Neurria / Estrofaren izena
Zortziko txikia (hg) / Lau puntuko txikia (ip)

Edukiari buruz

Entitateak
Egan (Musika taldea)
Joselu Anaiak

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2010-12-06 Orio Jaialdia [Bertsoa] / Andoni Egaña, Beñat Gaztelumendi

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 


A. Egaña:

Bi musika talde on
elkartuak bertan
disgustoa antzeman
liteke kopetan.
Joselu geratzea
hobe da benetan:
ondo moldatzen gera
zuen doinuetan.


B. Gaztelumendi:

Baina bigoteakin
nator ni dotore
plazari ipintzeko
nahi aina kolore.
Behin batean Oriyon
hainbeste akorde!
Kopia txar bat baino
guk eginda hobe.


A. Egaña:

Alperrik ez al dira
tipoan jardunak?
Xabier pasa ziren
Eganen egunak
nun dira inguruko
lehenoko lagunak?
Bi gogó jartzen ditu
gogorik ez dunak.


B. Gaztelumendi:

Elkartu dira mila
kantu eta kante
lehengo garai zaharrak
daudenez aparte
gaur mila plazatatik
deitu ohi didate
zuek estankatuta
gelditu zerate.


A. Egaña:

Ez gera estankatu
benga Egan benga!
Igotzen ez den hura
ez da erortzen-da.
Gaztetxera joan zaitez
Xabier leienda!
Barkatu zahar etxea
esan nahi nuen-da!


B. Gaztelumendi:

Zeinen errex dantzatu
ohi dezun mingaina
nere adinekoa
zaitugu zu baina
gaztetxera zu joan
zaite alajaina!
Han zai izango dezu
Andoni Egaña.


A. Egaña:

Hiru ordu paseak
kamio gorrian
hala ere geu gaude
joan beharrian
maiz ez baitegu jotzen
behar den neurrian
ta hori ezin da egin
Beniton herrian.


B. Gaztelumendi:

Beraz beldurturikan
aspaldi zaudenez
txanda utzi didazu
neri irribarrez.
Eganek kontzertua
emango du errez
eta hanka guztiak
hegan jarri baietz!

Datu-base honetan eskainitako informazioari buruz jakiteko, kontsultatu lege oharra