Bertsoak - Fitxa ikusi   Atal honi buruz gehiago jakiteko

2000-08-22 Bilbo Jaialdia [Bertsoa] / Beñat Gaztelurrutia, Aritz Lopategi

Bertsoa entzun  

Informazio orokorra

Kategoria
Bat-batekoa
Saioa
2000-08-22 Bilbo Jaialdia
Gai-jartzailea
Bilbao, Joserra
Bertsolariak / Egileak
Gaztelurrutia, Beñat
Lopategi, Aritz
Lana
Binaka gaia-emanda
Jarritako gaia
Aritzek Beñat neska ederragaz ligatu dau hemen jaietan eta hor ibili dira gau osoa tragoka, eta Aritz zelan kaballero hutsa den, berak ordaindu dauz gau osoko gastuak. Heldu dira eguerdiko hamabietara gaupasa egin eta gero, eta Aritzek egin dautso bere proposamentxoa, ia oheratuko direnentz edo; eta Beñat neska ederrak esan dautso baietz, baina lehenago bazkaltzera gonbidatzeko hotel Ercillara.

Deskribapena

Neurria / Estrofaren izena
Lauko txikia (hg) / Bi puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2000-08-22 Bilbo Jaialdia [Bertsoa] / Beñat Gaztelurrutia, Aritz Lopategi

Neurria:  Lauko txikia (hg) / Bi puntuko txikia (ip) 
Kokapena:  XDZ - Xenpelar Dokumentazio Zentroa 

A. Lopategi:
Neska hau asetzea
ez da hain erreza; (bis)
gainera ez dau jango
tortilla frantsesa! (bis)

Gaztelurrutia:
Oheratzeko esan
didazu mesedez; (bis)
gehiegitxo edan dut
eta hobe gaur ez. (bis)

A. Lopategi:
Baina orain sortu jat
sekulako kezka: (bis)
ohekoa ez dautsazu
kobratuko ezta? (bis)

Gaztelurrutia:
Horretaz ez zaitez ba
egon hain seguru; (bis)
lehenengo bazkaldu ta
ikusiko dugu. (bis)

A. Lopategi:
Oraintxe jarri jaku
tema serioa; (bis)
ez da txikia gero
zure balioa! (bis)

Gaztelurrutia:
Potro gitxi botata
koldarrak bezela; (bis)
zeuk egin duzu lagun
tortilla itzela. (bis)

A. Lopategi:
Ez dakit ba zer esan
oin zure gerizan; (bis)
arrautza frijituak
ez al dira izan? (bis)

Gaztelurrutia:
Zu ezin zara izan
hain bedeinkatua; (bis)
ez zazu ezer esan
ta kendu eskua! (bis)

A. Lopategi:
Oraintxe sentitzen naiz
tonto bat bezela; (bis)
guztiekin portatzen
al zara horrela? (bis)

Gaztelurrutia:
Tonto bat bezala hau,
baina ez da joan; (bis)
hori esan nahian nabil
ni gaba osoan. (bis)

A. Lopategi:
Hori esaten ei zabiltz
ekin eta ekin; (bis)
gauza onik ez dago
Bilboko neskekin! (bis)

Gaztelurrutia:
Inguruan badabil
makina bat zorri! (bis)
Oihane're hor dago,
eskaiozu horri. (bis)

A. Lopategi:
Zu zeu ez zaitudanez
hain neska sanoa, (bis)
aukera baten bila
beregana noa. (bis)

Datu-base honetan eskainitako informazioari buruz jakiteko, kontsultatu lege oharra