Bertsoak - Fitxa ikusi Atal honi buruz gehiago jakiteko
2003-12-19 Zumarraga Jaialdia [Bertsoa] / Anjel Mari Peñagarikano
| Bertsoa entzun |
2003-12-19 Zumarraga Jaialdia [Bertsoa] / Anjel Mari Peñagarikano
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Sarri-sarritan inguratzen naiz
ez det esango gezurrik.
Oraindik ere ez da itzali
barruan maitasun garrik.
Gaur ere hona etorri naiz ni
ta zaude ilun samarrik
eta zergatik zauden zu hola
ez dago esan beharrik:
zuk hala uste badezu ere
aita ez zaude bakarrik. (bis)
Zeure ustetan zu bizi zera
hain bakardade beltzean
ta aurpegia aldatu zaizu
zure semea heltzean.
Pentsa ezazu bizi zerala
oaindik gure bihotzean.
Baina haurraren zai dago eta
emaztea ohatzean
hala ez balitz egongo zinan
aita gurekin etxean. (bis)
Nik ondo asko badakit aita
orain zer dedan jokoan
eta badakit zu nola zauden
hemen ikusitakoan:
gure etxetik kanpoan zaude
baina ez horren kanpoan.
Otsaila laister iritsiko da
hau izan zazu gogoan:
berriz gurekin izango zera
haurtxoa jaiotakoan. (bis)
Datu-base honetan eskainitako informazioari buruz jakiteko, kontsultatu lege oharra