Bertsoak - Fitxa ikusi   Atal honi buruz gehiago jakiteko

2004-04-16 Zumaia Jaialdia [Bertsoa] / Unai Iturriaga, Jon Martin

Bertsoa entzun  

Informazio orokorra

Kategoria
Bat-batekoa
Saioa
2004-04-16 Zumaia Jaialdia
Gai-emailea
Goikoetxea, Josu
Bertsolariak / Egileak
Iturriaga, Unai
Martin, Jon
Lana
Binaka gaia-emanda
Jarritako gaia
Jon bere neska-lagunarekin joan da hondartzara, eta belarrira goxo-goxo hasi zaio hizketan. Baina esaldi bakoitzaren ondoren "Buleria, buleria" entzuten du. Azkenean, kontzentrazioa galdu, musika entzuten den lekura joan eta hor ikusi du kotxean Unai bere neska-lagunarekin sexu jolasean. Jonek musika itzaltzeko eskatu dio.

Deskribapena

Doinua
Kantatzera nijoa
Neurria / Estrofaren izena
Zortziko txikia (hg) / Lau puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2004-04-16 Zumaia Jaialdia [Bertsoa] / Unai Iturriaga, Jon Martin

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

J. Martin:
Musika tope dauka
ze-nolako kaña!
Azkenerako martxa
badu alajaina!
David Bisbalen antzik
ez dauka ez baina
gerria mugitzen du
ia berak aina. (bis)

U. Iturriaga:
Lurrunduta geneukan
jadanik autoa
ta non hurreratzen dan
maitale tontoa.
Pare bat minututan
itxoin mutikoa
oraindik ez dut egin
igelan saltoa. (bis)

J. Martin:
Zenbat gustatzen zaidan
bere buleria!
Baina izorratzea
ze alukeria!
Igelaren saltoa
esan du egia.
Horregatik daukazu
zapo aurpegia. (bis)

U. Iturriaga:
Egia da badauzkat
bi begi beltz haundi
ta txortan egiteko
ez nago urduri;
zu berriz hor dardarka
emanda muxu bi...
eman zazu pakea
Benito Lertxundi! (bis)

J. Martin:
Txortan egin nahi nuen
romantiko plantan
ilargia bakarrik
neukala zelatan;
nik berriz kristalean
hor jo dizut "kankan!"
ni ere ez naiz txarra
ilargian faltan. (bis)

U. Iturriaga:
Zuk intimitatea
duzu hain gozoa
belarrira hizketan
ai zara zozoa!
Bakarrik zaudela zu
gauza kuriosoa...
goitik begira duzu
kuadrila osoa. (bis)

J. Martin:
Oraintxe ipini naiz
ia irakiten...
David Bisbalzaleek
ez dakit dakiten
kanta ona nahi bada
ahotikan irten
kuadrila jarri behar da
koroak egiten. (bis)

U. Iturriaga:
Zuk benetan daukazu
kriston aberia
neri lata eman eta
neska ahaztu ia;
antza gustatu zaizu
nire buleria...
hark errezatu ditu
bi abemaria. (bis)

Datu-base honetan eskainitako informazioari buruz jakiteko, kontsultatu lege oharra