Bertsoak - Fitxa ikusi   Atal honi buruz gehiago jakiteko

1999-06-20 Sunbilla Jaialdia [Bertsoa] / Bittor Elizagoien, Xabier Silveira

Bertsoa entzun  

Informazio orokorra

Kategoria
Bat-batekoa
Saioa
1999-06-20 Sunbilla Jaialdia
Gai-jartzailea
Larretxea, Patxi
Bertsolariak / Egileak
Elizagoien, Bittor
Silveira, Xabier
Lana
Binaka gaia-emanda
Jarritako gaia
Badakizue Bittorrek eraikuntzan egiten duela lan eta hauek biak lagunak direnez eta Xabier lan bila zebilenez, Bittorri joan zaio lan eske. Baiezkoa eman dio horrek, eta lehenbiziko lan egunean hogei metroko teilatu gainera bidali du teilak kentzera. Bata teilatu gainean eta bestea beheran zaretela, zuen saioa.

Deskribapena

Doinua
Ai gure antzinako
Neurria / Estrofaren izena
Hamarreko txikia (hg) / Bost puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1999-06-20 Sunbilla Jaialdia [Bertsoa] / Bittor Elizagoien, Xabier Silveira

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 

Silveira:
Beteta daudelako
INEMeko listak, (bis)
Bittorrengana eraman
ninun nere bistak.
Teilak jartzen gu izan
gintezke artistak,
baina lurretik oso
urrun dauzkat hankak;
igeltxeroak gara
ta ez trapezistak! (bis)

Elizagoien:
Teilatura joan zera
soka eta guzi, (bis)
hasi lanean eta
marmar hoiek utzi;
hor dauden teila denak
kendu bixi-bixi,
igo aurretik hauxe
behar zendun ikasi:
lagunak gera bainan
Bittor da nagusi. (bis)

Silveira:
Ohean nengoela
zorronkaz zorronka (bis)
despertadoreak jo,
niri ez inporta;
bino honat etorri
ta hemendik bota,
hemendik beheti noa
ni mekauendioska,
Bittor teilatutikan
gaixorik dago-ta. (bis)

Elizagoien:
Astelehen goiza da-ta
etorri da alai, (bis)
holako langilerik
ez daukagu nunahi!
Segi zazu lanean
teilatuan lasai,
azpitikan zuk Bittor
baitaukazu itzai,
tripa joango zaizu,
beldurra ere bai. (bis)

Silveira:
Nagusia nik uste
dagoela ero, (bis)
lan hau bidaltzerikan
ez nuen espero;
ai, hau egin behar badut
goizero-goizero,
bera zai dagoela
dio bero-bero;
zuk helduko al diazu
erori ezkero? (bis)

Elizagoien:
Gazte xamarra dela
ez al da nabari? (bis)
Bildurrez beterikan
lanean da ari;
orain arte sortu du
arrangu ugari,
baina teilatutikan
ez dedin erori,
belarritakotikan
lotu gailurrari. (bis)

Silveira:
Lan egin behar dugu
eguzki nahi laino, (bis)
hemen jarri dut inun
ez hainbat enpeino;
baina teilatu honek
nau kopetaraino
ta hemendik ohatzera
banoie, ze koño,
langabe hobe nago
lan honetan bino! (bis)

Datu-base honetan eskainitako informazioari buruz jakiteko, kontsultatu lege oharra