Bertsoak - Fitxa ikusi Atal honi buruz gehiago jakiteko
1999-03-20 Igorre Jaialdia [Bertsoa] / Igor Elortza, Aitor Mendiluze
| Bertsoa entzun |
1999-03-20 Igorre Jaialdia [Bertsoa] / Igor Elortza, Aitor Mendiluze
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
I.Elortza:
Orain dala bost urte
zugaz zenbat jardun,
baina banaketako
bidea hartu gendun.
Triste pasatu dodaz
gaba eta egun,
izan nahi al zenduke
barriz nire lagun? (bis)
Mendiluze:
Zuk gogoa zenuen
bertara sartzeko,
bainan azkenean zen
denbora galtzeko.
Nik gogoa badaukat
bai zuri heltzeko,
galdutako denbora
berreskuratzeko. (bis)
I.Elortza:
Ondino heltzeko dagoz
urterik onenak,
berreskuratu baietz
galduriko denak!
Seminarioan itxi
dodaz nire penak
oraintxe eingo doguz
jesukristorenak! (bis)
Mendiluze:
Beraz atera zera
intentzio finez,
ni horren esperantzan
zai nengoen zinez;
eta irtengo zinen
zeozer jakinez,
misiolariaren
postura gutxinez? (bis)
I.Elortza:
Nahiz ta zure galdera
ondo dodan entzun,
parkatu, baiezkorik
nik ezin erantzun.
Baina ia erakutsi
ahal badaustazun,
azken bost urteetan
zer ikasi dozun. (bis)
Mendiluze:
Orain bost urte utzi
zenuen etxea,
geroztik egin dezu
denbora galtzea;
ta nik erakustea,
hauxe da trantzea,
zer den bene-benetan
belaunikatzea! (bis)
I.Elortza:
Dana esan daustazu
ozen ta korrika
ta nik nire barruak
dodaz eskegita;
etzunda hartuko dot
postura polita,
belaunikatu zaite
gainean jarrita. (bis)
Mendiluze:
Zuk segituan hasi
nahi dezu lanean,
bainan saia gaitezen
gu bide onean.
Aitaren egin zazu
zuk nere gainean,
baina gelditu zaite
semearenean. (bis)
I.Elortza:
Onartu beharko dot
zure esakera,
semea otu jata
baina keba-keba!
Kondoi makina bat be
badogu ganera,
zetan gabiz berbatan,
goazen ogera! (bis)
Datu-base honetan eskainitako informazioari buruz jakiteko, kontsultatu lege oharra