BDB Bertsolaritzaren datu-basea

Informazio orokorra

Kategoria

Bat-batekoa

Saioa

1997-11-14 Bilbo Jaialdia

Gai-jartzailea

Angoitia, Sebas

Bertsolariak / Egileak

Enbeita, Jon

Lana

Bakarka gaia-emanda

Jarritako gaia

Azkenaldi honetan bideoak direla-eta badira hainbat istilu. Estrasburgoko parlamentua ere kezkatuta dago eta erabaki dute horren barri emateko bertsolariren bat hara eramatea. Beraz, hango parlamentuaren aurrean zaude eta euskaldunak zer edo nor diren argibideak eman behar dizkiezu.

Deskribapena

Doinua

Gaztalondo handian

Neurria / Estrofaren izena

Hamalaukoa, txikiaren moldekoa, 9 puntuz (hg) / Bederatzi puntukoa, txikiaren moldekoa (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1997-11-14 Bilbo Jaialdia [Bertsoa] / Jon Enbeita

Neurria:  Hamalaukoa, txikiaren moldekoa, 9 puntuz (hg) / Bederatzi puntukoa, txikiaren moldekoa (ip) 
Kokapena:  XDZ - Xenpelar Dokumentazio Zentroa 

---

Agur Estrasburgoko
jaun eta andere:
iritsi da ordua
guretzat ere.
Ez gara hiltzaileak,
ez gara abere,
nehiz ta etsaiak jarri
sarri euren pare;
herria errege,
helburu ta xede,
bakearen alde
borrokatzen gaude,
"bakoitzari berea"
harturik lege. (bis)

Etsaiak ez du esan
gutaz hitz artesik,
Lapurra gezurrean
bizi da pozik,
eta ez du entzun nahi
herriko ahotsik,
zaila baita onartzen
egia bilozik.
Badugu bihotzik,
ez hain odol hotzik
ez gara judasik
espainol frantsesik,
bizi nahi duen herri
txiki bat baizik. (bis)

Madril eta Parisek
badute ardura
izkutatzeko gure
aberri hura.
Egia zabaltzeko
garaia heldu da
aurretik heldu ginen
gu gauden lekura.
Ta lapur modura
hausi zuten muga,
eurena da duda
ez gure ohitura
guk geurea besterik
ez dugu gura. (bis)